भुला बैठे नहीं थी जो मोहब्बत भूलने वाली
और इतने थोड़े 'अर्से में वो सूरत भूलने वाली
हम इस में आप रहने लग गए तब जा के भूले हैं
वगर्ना कौन सी थी ये मुसीबत भूलने वाली
बहुत कुछ याद रखना अब तो अच्छा भी नहीं लगता
तक़ाज़ा 'उम्र का भी है ये 'आदत भूलने वाली
सभी कुछ याद है जो कुछ ज़रूरी था भुला देना
मिली है इतनी मुश्किल से ये मोहलत भूलने वाली
तुम्हीं कह दो कहाँ तक हम भी आख़िर दरगुज़र करते
कि होती भी नहीं कोई शिकायत भूलने वाली
नहीं है फ़र्क़ ऐसा भूलने और याद रखने में
मुझे अज़बर है सारी अपनी हालत भूलने वाली
'ज़फ़र' क़ुर्बान कर सकता हूँ मैं सौ हाफ़िज़े उस पर
मिली है अपनी क़िस्मत से जो ने'मत भूलने वाली
bhulā baiThe nahīñ thī jo mohabbat bhūlne vaalī
aur itne thoḌe 'arse meñ vo sūrat bhūlne vaalī
ham is meñ aap rahne lag ga.e tab jā ke bhūle haiñ
vagarna kaun sī thī ye musībat bhūlne vaalī
bahut kuchh yaad rakhnā ab to achchhā bhī nahīñ lagtā
taqāza 'umr kā bhī hai ye 'ādat bhūlne vaalī
sabhī kuchh yaad hai jo kuchh zarūrī thā bhulā denā
milī hai itnī mushkil se ye mohlat bhūlne vaalī
tumhīñ kah do kahāñ tak ham bhī āḳhir darguzar karte
ki hotī bhī nahīñ koī shikāyat bhūlne vaalī
nahīñ hai farq aisā bhūlne aur yaad rakhne meñ
mujhe azbar hai saarī apnī hālat bhūlne vaalī
'zafar' qurbān kar saktā huuñ maiñ sau hāfize us par
milī hai apnī qismat se jo ne'mat bhūlne vaalī
بھلا بیٹھے نہیں تھی جو محبت بھولنے والی
اور اتنے تھوڑے عرصے میں وہ صورت بھولنے والی
ہم اس میں آپ رہنے لگ گئے تب جا کے بھولے ہیں
وگرنہ کون سی تھی یہ مصیبت بھولنے والی
بہت کچھ یاد رکھنا اب تو اچھا بھی نہیں لگتا
تقاضہ عمر کا بھی ہے یہ عادت بھولنے والی
سبھی کچھ یاد ہے جو کچھ ضروری تھا بھلا دینا
ملی ہے اتنی مشکل سے یہ مہلت بھولنے والی
تمہیں کہہ دو کہاں تک ہم بھی آخر درگزر کرتے
کہ ہوتی بھی نہیں کوئی شکایت بھولنے والی
نہیں ہے فرق ایسا بھولنے اور یاد رکھنے میں
مجھے ازبر ہے ساری اپنی حالت بھولنے والی
ظفرؔ قربان کر سکتا ہوں میں سو حافظے اس پر
ملی ہے اپنی قسمت سے جو نعمت بھولنے والی