भवें तनती हैं ख़ंजर हाथ में है तन के बैठे हैं
किसी से आज बिगड़ी है कि वो यूँ बन के बैठे हैं
दिलों पर सैकड़ों सिक्के तिरे जोबन के बैठे हैं
कलेजों पर हज़ारों तीर इस चितवन के बैठे हैं
इलाही क्यूँ नहीं उठती क़यामत माजरा क्या है
हमारे सामने पहलू में वो दुश्मन के बैठे हैं
ये गुस्ताख़ी ये छेड़ अच्छी नहीं है ऐ दिल-ए-नादाँ
अभी फिर रूठ जाएँगे अभी तो मन के बैठे हैं
असर है जज़्ब-ए-उल्फ़त में तो खिंच कर आ ही जाएँगे
हमें पर्वा नहीं हम से अगर वो तन के बैठे हैं
सुबुक हो जाएँगे गर जाएँगे वो बज़्म-ए-दुश्मन में
कि जब तक घर में बैठे हैं वो लाखों मन के बैठे हैं
फ़ुसूँ है या दुआ है या मुअ'म्मा खुल नहीं सकता
वो कुछ पढ़ते हुए आगे मिरे मदफ़न के बैठे हैं
बहुत रोया हूँ मैं जब से ये मैं ने ख़्वाब देखा है
कि आप आँसू बहाते सामने दुश्मन के बैठे हैं
खड़े हों ज़ेर-ए-तूबा वो न दम लेने को दम भर भी
जो हसरत-मंद तेरे साया-ए-दामन के बैठे हैं
तलाश-ए-मंज़िल-ए-मक़्सद की गर्दिश उठ नहीं सकती
कमर खोले हुए रस्ते में हम रहज़न के बैठे हैं
ये जोश-ए-गिर्या तो देखो कि जब फ़ुर्क़त में रोया हूँ
दर ओ दीवार इक पल में मिरे मदफ़न के बैठे हैं
निगाह-ए-शोख़ ओ चश्म-ए-शौक़ में दर-पर्दा छनती है
कि वो चिलमन में हैं नज़दीक हम चिलमन के बैठे हैं
ये उठना बैठना महफ़िल में उन का रंग लाएगा
क़यामत बन के उट्ठेंगे भबूका बन के बैठे हैं
किसी की शामत आएगी किसी की जान जाएगी
किसी की ताक में वो बाम पर बन-ठन के बैठे हैं
क़सम दे कर उन्हें ये पूछ लो तुम रंग-ढंग उस के
तुम्हारी बज़्म में कुछ दोस्त भी दुश्मन के बैठे हैं
कोई छींटा पड़े तो 'दाग़' कलकत्ते चले जाएँ
अज़ीमाबाद में हम मुंतज़िर सावन के बैठे हैं
bhaveñ tantī haiñ ḳhanjar haath meñ hai tan ke baiThe haiñ
kisī se aaj bigḌī hai ki vo yuuñ ban ke baiThe haiñ
diloñ par saikḌoñ sikke tire joban ke baiThe haiñ
kalejoñ par hazāroñ tiir is chitvan ke baiThe haiñ
ilāhī kyuuñ nahīñ uThtī qayāmat mājrā kyā hai
hamāre sāmne pahlū meñ vo dushman ke baiThe haiñ
ye gustāḳhī ye chheḌ achchhī nahīñ hai ai dil-e-nādāñ
abhī phir ruuTh jā.eñge abhī to man ke baiThe haiñ
asar hai jazb-e-ulfat meñ to khiñch kar aa hī jā.eñge
hameñ parvā nahīñ ham se agar vo tan ke baiThe haiñ
subuk ho jā.eñge gar jā.eñge vo bazm-e-dushman meñ
ki jab tak ghar meñ baiThe haiñ vo lākhoñ man ke baiThe haiñ
fusūñ hai yā duā hai yā muamma khul nahīñ saktā
vo kuchh paḌhte hue aage mire madfan ke baiThe haiñ
bahut royā huuñ maiñ jab se ye maiñ ne ḳhvāb dekhā hai
ki aap aañsū bahāte sāmne dushman ke baiThe haiñ
khaḌe hoñ zer-e-tūbā vo na dam lene ko dam bhar bhī
jo hasrat-mand tere sāya-e-dāman ke baiThe haiñ
talāsh-e-manzil-e-maqsad kī gardish uTh nahīñ saktī
kamar khole hue raste meñ ham rahzan ke baiThe haiñ
ye josh-e-girya to dekho ki jab furqat meñ royā huuñ
dar o dīvār ik pal meñ mire madfan ke baiThe haiñ
nigāh-e-shoḳh o chashm-e-shauq meñ dar-parda chhantī hai
ki vo chilman meñ haiñ nazdīk ham chilman ke baiThe haiñ
ye uThnā baiThnā mahfil meñ un kā rañg lā.egā
qayāmat ban ke uTTheñge bhabūkā ban ke baiThe haiñ
kisī kī shāmat aa.egī kisī kī jaan jā.egī
kisī kī taak meñ vo baam par ban-Than ke baiThe haiñ
qasam de kar unheñ ye pūchh lo tum rañg-Dhañg us ke
tumhārī bazm meñ kuchh dost bhī dushman ke baiThe haiñ
koī chhīñTā paḌe to 'dāġh' kalkatte chale jaa.eñ
azīmābād meñ ham muntazir sāvan ke baiThe haiñ
بھویں تنتی ہیں خنجر ہاتھ میں ہے تن کے بیٹھے ہیں
کسی سے آج بگڑی ہے کہ وہ یوں بن کے بیٹھے ہیں
دلوں پر سیکڑوں سکے ترے جوبن کے بیٹھے ہیں
کلیجوں پر ہزاروں تیر اس چتون کے بیٹھے ہیں
الٰہی کیوں نہیں اٹھتی قیامت ماجرا کیا ہے
ہمارے سامنے پہلو میں وہ دشمن کے بیٹھے ہیں
یہ گستاخی یہ چھیڑ اچھی نہیں ہے اے دل ناداں
ابھی پھر روٹھ جائیں گے ابھی تو من کے بیٹھے ہیں
اثر ہے جذب الفت میں تو کھنچ کر آ ہی جائیں گے
ہمیں پروا نہیں ہم سے اگر وہ تن کے بیٹھے ہیں
سبک ہو جائیں گے گر جائیں گے وہ بزم دشمن میں
کہ جب تک گھر میں بیٹھے ہیں وہ لاکھوں من کے بیٹھے ہیں
فسوں ہے یا دعا ہے یا معمہ کھل نہیں سکتا
وہ کچھ پڑھتے ہوئے آگے مرے مدفن کے بیٹھے ہیں
بہت رویا ہوں میں جب سے یہ میں نے خواب دیکھا ہے
کہ آپ آنسو بہاتے سامنے دشمن کے بیٹھے ہیں
کھڑے ہوں زیر طوبیٰ وہ نہ دم لینے کو دم بھر بھی
جو حسرت مند تیرے سایۂ دامن کے بیٹھے ہیں
تلاش منزل مقصد کی گردش اٹھ نہیں سکتی
کمر کھولے ہوئے رستے میں ہم رہزن کے بیٹھے ہیں
یہ جوش گریہ تو دیکھو کہ جب فرقت میں رویا ہوں
در و دیوار اک پل میں مرے مدفن کے بیٹھے ہیں
نگاہ شوخ و چشم شوق میں در پردہ چھنتی ہے
کہ وہ چلمن میں ہیں نزدیک ہم چلمن کے بیٹھے ہیں
یہ اٹھنا بیٹھنا محفل میں ان کا رنگ لائے گا
قیامت بن کے اٹھیں گے بھبوکا بن کے بیٹھے ہیں
کسی کی شامت آئے گی کسی کی جان جائے گی
کسی کی تاک میں وہ بام پر بن ٹھن کے بیٹھے ہیں
قسم دے کر انہیں یہ پوچھ لو تم رنگ ڈھنگ اس کے
تمہاری بزم میں کچھ دوست بھی دشمن کے بیٹھے ہیں
کوئی چھینٹا پڑے تو داغؔ کلکتے چلے جائیں
عظیم آباد میں ہم منتظر ساون کے بیٹھے ہیں