बेकसी-ए-शब-ए-हिज्राँ की मुझे ताब नहीं
काश दुश्मन ही चले आएँ जो अहबाब नहीं
तुझ को ऐ बख़्त-ए-सियह आग लगा कर देखूँ
शब-ए-हिज्राँ में अगर जल्वा-ए-महताब नहीं
देख बुत-ख़ाने में तस्वीर का आलम ऐ शैख़
याँ मुसल्ला नहीं मिम्बर नहीं मेहराब नहीं
नामा-बर मुझ से ये कहता है कि तुम तो क्या हो
बादशह भी तो वहाँ क़ाबिल-ए-अलक़ाब नहीं
न मिले मुझ को मिरे हाल पे रोने वाले
ऐश कैसा कि यहाँ ग़म के भी अस्बाब नहीं
हाल-ए-दिल जिस से कहा उस ने कहा बस ख़ामोश
'दाग़' इस दर्द के सुनने की हमें ताब नहीं
bekasī-e-shab-e-hijrāñ kī mujhe taab nahīñ
kaash dushman hī chale aa.eñ jo ahbāb nahīñ
tujh ko ai baḳht-e-siyah aag lagā kar dekhūñ
shab-e-hijrāñ meñ agar jalva-e-mahtāb nahīñ
dekh but-ḳhāne meñ tasvīr kā aalam ai shaiḳh
yaañ musallā nahīñ mimbar nahīñ mehrāb nahīñ
nāma-bar mujh se ye kahtā hai ki tum to kyā ho
bādshah bhī to vahāñ qābil-e-alqāb nahīñ
na mile mujh ko mire haal pe rone vaale
aish kaisā ki yahāñ ġham ke bhī asbāb nahīñ
hāl-e-dil jis se kahā us ne kahā bas ḳhāmosh
'dāġh' is dard ke sunñe kī hameñ taab nahīñ
بیکسیٔ شب ہجراں کی مجھے تاب نہیں
کاش دشمن ہی چلے آئیں جو احباب نہیں
تجھ کو اے بخت سیہ آگ لگا کر دیکھوں
شب ہجراں میں اگر جلوۂ مہتاب نہیں
دیکھ بت خانے میں تصویر کا عالم اے شیخ
یاں مصلیٰ نہیں منبر نہیں محراب نہیں
نامہ بر مجھ سے یہ کہتا ہے کہ تم تو کیا ہو
بادشہ بھی تو وہاں قابل القاب نہیں
نہ ملے مجھ کو مرے حال پہ رونے والے
عیش کیسا کہ یہاں غم کے بھی اسباب نہیں
حال دل جس سے کہا اس نے کہا بس خاموش
داغؔ اس درد کے سننے کی ہمیں تاب نہیں