बे-तअल्लुक़ ज़िंदगी भी ज़िंदगी होती है क्या
साज़-ए-दिल ख़ामोश हो तो नग़्मगी होती है क्या
यक-ब-यक तारीक दिल में क्यों उजाला हो गया
याद-ए-यार-ए-मेहरबाँ से रौशनी होती है क्या
देख कर तुझ को करेगा कोई क्यों सैर-ए-चमन
गुल के चेहरे पर भी ऐसी ताज़गी होती है क्या
जिस ने तेरे हुस्न की लौ देख ली समझा है वो
क्यों चमकते हैं सितारे चाँदनी होती है क्या
मस्त आँखों की क़सम क्यों रह गया हाथों में जाम
मय-कदे में बिन-पिए भी मय-कशी होती है क्या
वस्ल हो या हिज्र हो या इंतिज़ार-ए-यार हो
दर्द-ए-दिल में हसरतों में कुछ कमी होती है क्या
सादगी में दिलबरी है दिलबरी में सादगी
कोई क्या समझे कि उन की सादगी होती है क्या
याद तेरी आई है परदेस में कितनी 'हबीब'
दूरी-ए-मंज़िल में कोई दिलकशी होती है क्या
be-ta.alluq zindagī bhī zindagī hotī hai kyā
sāz-e-dil ḳhāmosh ho to naġhmagī hotī hai kyā
yak-ba-yak tārīk dil meñ kyoñ ujālā ho gayā
yād-e-yār-e-mehrbāñ se raushnī hotī hai kyā
dekh kar tujh ko karegā koī kyoñ sair-e-chaman
gul ke chehre par bhī aisī tāzgī hotī hai kyā
jis ne tere husn kī lau dekh lī samjhā hai vo
kyoñ chamakte haiñ sitāre chāñdnī hotī hai kyā
mast āñkhoñ kī qasam kyoñ rah gayā hāthoñ meñ jaam
mai-kade meñ bin-piye bhī mai-kashī hotī hai kyā
vasl ho yā hijr ho yā intizār-e-yār ho
dard-e-dil meñ hasratoñ meñ kuchh kamī hotī hai kyā
sādgī meñ dilbarī hai dilbarī meñ sādgī
koī kyā samjhe ki un kī sādgī hotī hai kyā
yaad terī aa.ī hai pardes meñ kitnī 'habīb'
dūrī-e-manzil meñ koī dilkashī hotī hai kyā
بے تعلق زندگی بھی زندگی ہوتی ہے کیا
ساز دل خاموش ہو تو نغمگی ہوتی ہے کیا
یک بیک تاریک دل میں کیوں اجالا ہو گیا
یاد یار مہرباں سے روشنی ہوتی ہے کیا
دیکھ کر تجھ کو کرے گا کوئی کیوں سیر چمن
گل کے چہرے پر بھی ایسی تازگی ہوتی ہے کیا
جس نے تیرے حسن کی لو دیکھ لی سمجھا ہے وہ
کیوں چمکتے ہیں ستارے چاندنی ہوتی ہے کیا
مست آنکھوں کی قسم کیوں رہ گیا ہاتھوں میں جام
میکدے میں بن پیے بھی مے کشی ہوتی ہے کیا
وصل ہو یا ہجر ہو یا انتظار یار ہو
درد دل میں حسرتوں میں کچھ کمی ہوتی ہے کیا
سادگی میں دلبری ہے دلبری میں سادگی
کوئی کیا سمجھے کہ ان کی سادگی ہوتی ہے کیا
یاد تیری آئی ہے پردیس میں کتنی حبیبؔ
دورئ منزل میں کوئی دل کشی ہوتی ہے کیا