बस फ़िराक़-ए-यार में जारी सुख़न-आराइयाँ
हाए ये पुर-कैफ़ मौसम और मिरी तन्हाइयाँ
बिस्तरों की सिलवटों से लड़ रहे हैं हम यहाँ
जाने वाला ले रहा होगा कहीं अंगड़ाइयाँ
छत की कड़ियों से मिरी उतरे तिरे कितने ख़याल
क्या तिरी दीवार पर उतरीं मिरी परछाइयाँ
दिल के मौसम से रहा मशरूत हर मौसम मिरा
क्या उदासी की फ़ज़ाएँ क्या कोई रा'नाइयाँ
दर्द को महसूस करने का सलीक़ा सीख ले
देख ही सकतीं नहीं ग़म को तिरी बीनाइयाँ
हम कि वाक़िफ़ हैं शक़ी-उल-क़ल्ब 'आरिफ़' से तभी
हैरती हैं देख कर उस की करम-फ़रमाइयाँ
bas firāq-e-yār meñ jaarī suḳhan-ārā.iyāñ
haa.e ye pur-kaif mausam aur mirī tanhā.iyāñ
bistaroñ kī silvaToñ se laḌ rahe haiñ ham yahāñ
jaane vaalā le rahā hogā kahīñ añgḌā.iyāñ
chhat kī kaḌiyoñ se mirī utre tire kitne ḳhayāl
kyā tirī dīvār par utrīñ mirī parchhā.iyāñ
dil ke mausam se rahā mashrūt har mausam mirā
kyā udāsī kī fazā.eñ kyā koī rā'nā.iyāñ
dard ko mahsūs karne kā salīqa siikh le
dekh hī saktīñ nahīñ ġham ko tirī bīnā.iyāñ
ham ki vāqif haiñ shaqī-ul-qalb 'ārif' se tabhī
hairatī haiñ dekh kar us kī karam-farmā.iyāñ
بس فراق یار میں جاری سخن آرائیاں
ہائے یہ پر کیف موسم اور مری تنہائیاں
بستروں کی سلوٹوں سے لڑ رہے ہیں ہم یہاں
جانے والا لے رہا ہوگا کہیں انگڑائیاں
چھت کی کڑیوں سے مری اترے ترے کتنے خیال
کیا تری دیوار پر اتریں مری پرچھائیاں
دل کے موسم سے رہا مشروط ہر موسم مرا
کیا اداسی کی فضائیں کیا کوئی رعنائیاں
درد کو محسوس کرنے کا سلیقہ سیکھ لے
دیکھ ہی سکتیں نہیں غم کو تری بینائیاں
ہم کہ واقف ہیں شقی القلب عارفؔ سے تبھی
حیرتی ہیں دیکھ کر اس کی کرم فرمائیاں