बर्क़ को उस पर 'अबस गिरने की हैं तय्यारियाँ
बर्ग-ए-गुल ही आशियाँ को अपने है चिंगारियाँ
अहद-ए-तिफ़्ली में भी था मैं बस-कि सौदाई-मिज़ाज
बेड़ियाँ मिन्नत की भी पहनीं तो मैं ने भारियाँ
मौत के आते ही हम को ख़ुद-बख़ुद नींद आ गई
क्या उसी की याद में करते थे शब-बेदारियाँ
ऐ ख़त उस के गोरे गालों पर ये तू ने क्या किया
चाँदनी रातें यकायक हो गईं अँधयारीयाँ
ख़ंदा-ए-गुल से सदा-ए-नाला आती है मुझे
ख़ून-ए-बुलबुल से मगर सींची गई हैं क्यारियाँ
ख़ाक का पुतला भी आहन से है सख़्ती में फ़ुज़ूँ
जिस्म पर इंसाँ के तलवारें हुई हैं आरियाँ
ख़ौफ़-ए-ख़ालिक़ है वगर्ना मोहतसिब क्या माल है
ख़ाना-ए-क़ाज़ी में जा कर कीजिए मय-ख़्वारियाँ
कुछ हमीं ख़ाली नहीं करते हैं ये दैर-ए-ख़राब
फिर गए हैं यार यूँही अपनी अपनी बारियां
हुक्म कर 'आतिश' कि बाज़ार-ए-मोहब्बत बंद हो
अब करें टटपूजिए गर्म अपनी दूकाँ-दारियाँ
barq ko us par 'abas girne kī haiñ tayyāriyāñ
barg-e-gul hī āshiyāñ ko apne hai chiñgāriyāñ
ahd-e-tiflī meñ bhī thā maiñ bas-ki saudā.ī-mizāj
beḌiyāñ minnat kī bhī pahnīñ to maiñ ne bhāriyāñ
maut ke aate hī ham ko ḳhud-baḳhud niiñd aa ga.ī
kyā usī kī yaad meñ karte the shab-bedāriyāñ
ai ḳhat us ke gore gāloñ par ye tū ne kyā kiyā
chāñdnī rāteñ yakāyak ho ga.iiñ añdhyāriyāñ
ḳhanda-e-gul se sadā-e-nāla aatī hai mujhe
ḳhūn-e-bulbul se magar sīñchī ga.ī haiñ kyāriyāñ
ḳhaak kā putlā bhī aahan se hai saḳhtī meñ fuzūñ
jism par insāñ ke talvāreñ huī haiñ āriyāñ
ḳhauf-e-ḳhāliq hai vagarna mohtasib kyā maal hai
ḳhān-e-qāzī meñ jā kar kījiye mai-ḳhvāriyāñ
kuchh hamīñ ḳhālī nahīñ karte haiñ ye dair-e-ḳharāb
phir ga.e haiñ yaar yūñhī apnī apnī bāriyāñ
hukm kar 'ātish' ki bāzār-e-mohabbat band ho
ab kareñ TaTpūjiye garm apnī dūkāñ-dāriyāñ
برق کو اس پر عبث گرنے کی ہیں تیاریاں
برگ گل ہی آشیاں کو اپنے ہے چنگاریاں
عہد طفلی میں بھی تھا میں بسکہ سودائی مزاج
بیڑیاں منت کی بھی پہنیں تو میں نے بھاریاں
موت کے آتے ہی ہم کو خود بخود نیند آ گئی
کیا اسی کی یاد میں کرتے تھے شب بیداریاں
اے خط اس کے گورے گالوں پر یہ تو نے کیا کیا
چاندنی راتیں یکایک ہو گئیں اندھیاریاں
خندۂ گل سے صدائے نالہ آتی ہے مجھے
خون بلبل سے مگر سینچی گئی ہیں کیاریاں
خاک کا پتلا بھی آہن سے ہے سختی میں فزوں
جسم پر انساں کے تلواریں ہوئی ہیں آریاں
خوف خالق ہے وگرنہ محتسب کیا مال ہے
خانۂ قاضی میں جا کر کیجئے مے خواریاں
کچھ ہمیں خالی نہیں کرتے ہیں یہ دیر خراب
پھر گئے ہیں یار یوں ہی اپنی اپنی باریاں
حکم کر آتشؔ کہ بازار محبت بند ہو
اب کریں ٹٹپوجئے گرم اپنی دوکاں داریاں