बरगश्ता-तालई का तमाशा दिखाऊँ मैं
घर को लगे जो आग तो पानी बुझाऊँ मैं
जिंस-ए-गिराँ-बहा का ख़रीदार कौन है
यकता नहीं इलाही जो चोरी ही जाऊँ मैं
लाला-रुख़ों के हुस्न का भूका हूँ इस क़दर
दिल हो न सैर लाख अगर दाग़ खाऊँ मैं
आँखें मिरी करे जो मुनव्वर जमाल-ए-यार
घी के चराग़ तूर के ऊपर जलाऊँ मैं
मुर्दे की तरह सोते हैं कैसे मिरे नसीब
ठोकर से पा-ए-यार के उन को जगाऊँ मैं
बोसा मिले कमाँ का जो अबरू-ए-यार की
मेहराब-ए-बैत-ए-काबा में चिल्ला चढ़ाऊँ मैं
जी चाहता है शौक़-ए-शहादत में क़ब्ल-ए-मर्ग
बनवा के क़ब्र-ए-लाला को उस पर लगाऊँ मैं
घर में जो मुझ फ़क़ीर के वो शाह-ए-हुस्न आए
मिज़्गाँ के बोरिए जो खड़े हैं बिछाऊँ मैं
काँटा सुखा के हिज्र ने हर-चंद कर दिया
वो गुल-बदन मिले तो न फूला समाऊँ मैं
तुम तो ग़रीब-ख़ाने में आए न एक रोज़
फ़रमाइए तो शब को किसी वक़्त आऊँ मैं
बारीक-बीं हूँ शायर-ए-नाज़ुक-ख़याल हूँ
मज़मूँ जहाँ कमर का मिले बाँध लाऊँ मैं
'आतिश' ग़ुलाम-ए-साक़ी-ए-कौसर हूँ चाहिए
फ़िरदौस का खुला हुआ दरवाज़ा पाऊँ मैं
bargashta-tāla.ī kā tamāshā dikhā.ūñ maiñ
ghar ko lage jo aag to paanī bujhā.ūñ maiñ
jins-e-girāñ-bahā kā ḳharīdār kaun hai
yaktā nahīñ ilāhī jo chorī hī jā.ūñ maiñ
lāla-ruḳhoñ ke husn kā bhūkā huuñ is qadar
dil ho na sair laakh agar daaġh khā.ūñ maiñ
āñkheñ mirī kare jo munavvar jamāl-e-yār
ghē ke charāġh tuur ke uupar jalā.ūñ maiñ
murde kī tarah sote haiñ kaise mire nasīb
Thokar se pā-e-yār ke un ko jagā.ūñ maiñ
bosa mile kamāñ kā jo abrū-e-yār kī
mehrāb-e-bait-e-ka.aba meñ chillā chaḌhā.ūñ maiñ
jī chāhtā hai shauq-e-shahādat meñ qabl-e-marg
banvā ke qabr-e-lāla ko us par lagā.ūñ maiñ
ghar meñ jo mujh faqīr ke vo shāh-e-husn aa.e
mizhgāñ ke boriye jo khaḌe haiñ bichhā.ūñ maiñ
kāñTā sukhā ke hijr ne har-chand kar diyā
vo gul-badan mile to na phūlā samā.ūñ maiñ
tum to ġharīb-ḳhāne meñ aa.e na ek roz
farmā.iye to shab ko kisī vaqt aa.uuñ maiñ
bārīk-bīñ huuñ shā.er-e-nāzuk-ḳhayāl huuñ
mazmūñ jahāñ kamar kā mile bāñdh lā.ūñ maiñ
'ātish' ġhulām-e-sāqi-e-kausar huuñ chāhiye
firdaus kā khulā huā darvāza pā.ūñ maiñ
برگشتہ طالعی کا تماشا دکھاؤں میں
گھر کو لگے جو آگ تو پانی بجھاؤں میں
جنس گراں بہا کا خریدار کون ہے
یکتا نہیں الٰہی جو چوری ہی جاؤں میں
لالہ رخوں کے حسن کا بھوکا ہوں اس قدر
دل ہو نہ سیر لاکھ اگر داغ کھاؤں میں
آنکھیں مری کرے جو منور جمال یار
گھی کے چراغ طور کے اوپر جلاؤں میں
مردے کی طرح سوتے ہیں کیسے مرے نصیب
ٹھوکر سے پائے یار کے ان کو جگاؤں میں
بوسہ ملے کماں کا جو ابروئے یار کی
محراب بیت کعبہ میں چلا چڑھاؤں میں
جی چاہتا ہے شوق شہادت میں قبل مرگ
بنوا کے قبر لالہ کو اس پر لگاؤں میں
گھر میں جو مجھ فقیر کے وہ شاہ حسن آئے
مژگاں کے بوریے جو کھڑے ہیں بچھاؤں میں
کانٹا سکھا کے ہجر نے ہر چند کر دیا
وہ گل بدن ملے تو نہ پھولا سماؤں میں
تم تو غریب خانہ میں آئے نہ ایک روز
فرمائیے تو شب کو کسی وقت آؤں میں
باریک بیں ہوں شاعر نازک خیال ہوں
مضموں جہاں کمر کا ملے باندھ لاؤں میں
آتشؔ غلام ساقی کوثر ہوں چاہئے
فردوس کا کھلا ہوا دروازہ پاؤں میں