बरगश्ता और वो बुत-ए-बे-पीर हो न जाए
उल्टी कहीं दुआओं की तासीर हो न जाए
दिल जल के ख़ाक हो तो फिर इक्सीर हो न जाए
जाँ-सोज़ हों जो नाले तो तासीर हो न जाए
किस सादगी से मुजरिमों ने सर झुका लिया
महजूब क्यूँ वो मालिक-ए-तक़दीर हो न जाए
दस्त-ए-दुआ' तक उठ न सके फ़र्त-ए-शर्म से
यारब किसी से ऐसी भी तक़्सीर हो न जाए
मस्तों की ठोकर और मिरा सर है साक़िया
दुश्मन किसी का यूँ फ़लक-ए-पीर हो न जाए
उठने ही को है बीच से पर्दा हिजाब का
महफ़िल तमाम आलम-ए-तस्वीर हो न जाए
ग़फ़लत न कीजियो कभी क़ातिल की याद में
ऐ दिल कोई कमी तह-ए-शमशीर हो न जाए
बैठा है लौ लगाए कोई तेग़-ए-नाज़ से
क़ातिल किसी के काम में ताख़ीर हो न जाए
जल्दी सुबू को तोड़ के साग़र बना ले अब
साक़ी इस अम्र-ए-ख़ैर में ताख़ीर हो न जाए
नालों ने ज़ोर बाँधा है फिर पिछली रात से
ऐ चर्ख़ चलते चलते कोई तीर हो न जाए
दिल से बहुत शिकायतें करते हो यार की
देखो क़लम से कुछ कभी तहरीर हो न जाए
सैर-ए-चमन से दिल न लगाओ चले चलो
फ़स्ल-ए-बहार पाँव की ज़ंजीर हो न जाए
अंजाम-कार पर नहीं कुछ इख़्तियार 'यास'
तक़दीर से ख़जिल मिरी तदबीर हो न जाए
bargashta aur vo but-e-be-pīr ho na jaa.e
ulTī kahīñ duāoñ kī tāsīr ho na jaa.e
dil jal ke ḳhaak ho to phir iksīr ho na jaa.e
jāñ-soz hoñ jo naale to tāsīr ho na jaa.e
kis sādgī se mujrmoñ ne sar jhukā liyā
mahjūb kyuuñ vo mālik-e-taqdīr ho na jaa.e
dast-e-duā tak uTh na sake fart-e-sharm se
yārab kisī se aisī bhī taqsīr ho na jaa.e
mastoñ kī Thokar aur mirā sar hai sāqiyā
dushman kisī kā yuuñ falak-e-pīr ho na jaa.e
uThne hī ko hai beach se parda hijāb kā
mahfil tamām ālam-e-tasvīr ho na jaa.e
ġhaflat na kījiyo kabhī qātil kī yaad meñ
ai dil koī kamī tah-e-shamshīr ho na jaa.e
baiThā hai lau lagā.e koī teġh-e-nāz se
qātil kisī ke kaam meñ tāḳhīr ho na jaa.e
jaldī subū ko toḌ ke sāġhar banā le ab
saaqī is amr-e-ḳhair meñ tāḳhīr ho na jaa.e
nāloñ ne zor bāñdhā hai phir pichhlī raat se
ai charḳh chalte chalte koī tiir ho na jaa.e
dil se bahut shikāyateñ karte ho yaar kī
dekho qalam se kuchh kabhī tahrīr ho na jaa.e
sair-e-chaman se dil na lagāo chale chalo
fasl-e-bahār paañv kī zanjīr ho na jaa.e
anjām-kār par nahīñ kuchh iḳhtiyār 'yās'
taqdīr se ḳhajil mirī tadbīr ho na jaa.e
برگشتہ اور وہ بت بے پیر ہو نہ جائے
الٹی کہیں دعاؤں کی تاثیر ہو نہ جائے
دل جل کے خاک ہو تو پھر اکسیر ہو نہ جائے
جاں سوز ہوں جو نالے تو تاثیر ہو نہ جائے
کس سادگی سے مجرموں نے سر جھکا لیا
محجوب کیوں وہ مالک تقدیر ہو نہ جائے
دست دعا تک اٹھ نہ سکے فرط شرم سے
یا رب کسی سے ایسی بھی تقصیر ہو نہ جائے
مستوں کی ٹھوکر اور مرا سر ہے ساقیا
دشمن کسی کا یوں فلک پیر ہو نہ جائے
اٹھنے ہی کو ہے بیچ سے پردہ حجاب کا
محفل تمام عالم تصویر ہو نہ جائے
غفلت نہ کیجیو کبھی قاتل کی یاد میں
اے دل کوئی کمی تہ شمشیر ہو نہ جائے
بیٹھا ہے لو لگائے کوئی تیغ ناز سے
قاتل کسی کے کام میں تاخیر ہو نہ جائے
جلدی سبو کو توڑ کے ساغر بنا لے اب
ساقی اس امر خیر میں تاخیر ہو نہ جائے
نالوں نے زور باندھا ہے پھر پچھلی رات سے
اے چرخ چلتے چلتے کوئی تیر ہو نہ جائے
دل سے بہت شکایتیں کرتے ہو یار کی
دیکھو قلم سے کچھ کبھی تحریر ہو نہ جائے
سیر چمن سے دل نہ لگاؤ چلے چلو
فصل بہار پاؤں کی زنجیر ہو نہ جائے
انجام کار پر نہیں کچھ اختیار یاسؔ
تقدیر سے خجل مری تدبیر ہو نہ جائے