बला-ए-जाँ मुझे हर एक ख़ुश-जमाल हुआ
छुरी जो तेज़ हुई पहले मैं हलाल हुआ
गिरौ हुआ तो उसे छूटना मुहाल हुआ
दिल-ए-ग़रीब मिरा मुफ़लिसों का माल हुआ
कमी नहीं तिरी दरगाह में किसी शय की
वही मिला है जो मुहताज का सवाल हुआ
दिखा के चेहरा-ए-रौशन वो कहते हैं सर-ए-शाम
वो आफ़्ताब नहीं है जिसे ज़वाल हुआ
दुखा न दिल को सनम इत्तिहाद रखता हूँ
मुझे मलाल हुआ तो तुझे मलाल हुआ
बुझाया आँखों ने वो रुख़ तलाश-ए-मज़मूँ में
ख़याल-ए-यार मिरा शेर का ख़याल हुआ
तिरे शहीद के जेब-ए-कफ़न में ऐ क़ातिल
गुलाल से भी है रंग-ए-अबीर लाल हुआ
बुलंद ख़ाक-नशीनी ने क़द्र की मेरी
उरूज मुझ को हुआ जब कि पाएमाल हुआ
ग़ज़ब में यार के शान-ए-करम नज़र आई
बनाया सर्व-ए-चराग़ाँ जिसे निहाल हुआ
यक़ीं है देखते सूफ़ी तो दम निकल जाता
हमारे वज्द के आलम में है जो हाल हुआ
वो ना-तवाँ था इरादा किया जो खाने का
ग़म-ए-फ़िराक़ के दाँतों में मैं ख़िलाल हुआ
किया है ज़ार ये तेरी कमर के सौदे ने
पड़ा जो अक्स मिरा आईने में बाल हुआ
दिखानी थी न तुम्हें चश्म-ए-सुर्मगीं अपनी
निगाह-ए-नाज़ से वहशत-ज़दा ग़ज़ाल हुआ
दहान-ए-यार के बोसे की दिल ने रग़बत की
ख़याल-ए-ख़ाम किया तालिब-ए-मुहाल हुआ
रहा बहार-ओ-ख़िज़ाँ में ये हाल सौदे का
बढ़ा तो ज़ुल्फ़ हुआ घट गया तो ख़ाल हुआ
जुनूँ में आलम-ए-तिफ़्ली की बादशाहत की
खिलौना आँखों में अपनी हर इक ग़ज़ाल हुआ
सुना जमील भी तेरा जो नाम ऐ महबूब
हज़ार जान से दिल बंदा-ए-जमाल हुआ
लिखा है आशिक़ों में अपने तू ने जिस का नाम
फिर उस का चेहरा नहीं उम्र भर बहाल हुआ
गुनह किसी ने किया थरथराया दिल अपना
अरक़ अरक़ हुए हम जिस को इंफ़िआल हुआ
तिरे दहान ओ कमर का जो ज़िक्र आया यार
गुमान-ओ-वहम को क्या क्या न एहतिमाल हुआ
कमाल कौन सा है वो जिसे ज़वाल नहीं
हज़ार शुक्र कि मुझ को न कुछ कमाल हुआ
तुम्हारी अबरू-ए-कज का था दूज का धोका
सियाह होता अगर ईद का हिलाल हुआ
दिया जो रंज तिरे इश्क़ ने तो राहत थी
फ़िराक़-ए-तल्ख़ तो शीरीं मुझे विसाल हुआ
वही है लौह-ए-शिकस्त-ए-तिलिस्म-ए-जिस्म 'आतिश'
जब ए'तिदाल-ए-अनासिर में इख़तिलाल हुआ
balā-e-jāñ mujhe har ek ḳhush-jamāl huā
chhurī jo tez huī pahle maiñ halāl huā
girau huā to use chhūTnā muhāl huā
dil-e-ġharīb mirā muflisoñ kā maal huā
kamī nahīñ tirī dargāh meñ kisī shai kī
vahī milā hai jo muhtāj kā savāl huā
dikhā ke chehra-e-raushan vo kahte haiñ sar-e-shām
vo āftāb nahīñ hai jise zavāl huā
dukhā na dil ko sanam ittihād rakhtā huuñ
mujhe malāl huā to tujhe malāl huā
bujhāyā āñkhoñ ne vo ruḳh talāsh-e-mazmūñ meñ
ḳhayāl-e-yār mirā sher kā ḳhayāl huā
tire shahīd ke jeb-e-kafan meñ ai qātil
gulāl se bhī hai rañg-e-abīr laal huā
buland ḳhāk-nashīnī ne qadr kī merī
uruuj mujh ko huā jab ki pā.emāl huā
ġhazab meñ yaar ke shān-e-karam nazar aa.ī
banāyā sarv-e-charāġhāñ jise nihāl huā
yaqīñ hai dekhte suufī to dam nikal jaatā
hamāre vajd ke aalam meñ hai jo haal huā
vo nā-tavāñ thā irāda kiyā jo khāne kā
ġham-e-firāq ke dāñtoñ meñ maiñ ḳhilāl huā
kiyā hai zaar ye terī kamar ke saude ne
paḌā jo aks mirā ā.īne meñ baal huā
dikhānī thī na tumheñ chashm-e-surmagīñ apnī
nigāh-e-nāz se vahshat-zada ġhazāl huā
dahān-e-yār ke bose kī dil ne raġhbat kī
ḳhayāl-e-ḳhām kiyā tālib-e-muhāl huā
rahā bahār-o-ḳhizāñ meñ ye haal saude kā
baḌhā to zulf huā ghaT gayā to ḳhaal huā
junūñ meñ ālam-e-tiflī kī bādshāhat kī
khilaunā āñkhoñ meñ apnī har ik ġhazāl huā
sunā jamīl bhī terā jo naam ai mahbūb
hazār jaan se dil banda-e-jamāl huā
likhā hai āshiqoñ meñ apne tū ne jis kā naam
phir us kā chehra nahīñ umr bhar bahāl huā
gunah kisī ne kiyā thartharāyā dil apnā
araq araq hue ham jis ko infi.āl huā
tire dahān o kamar kā jo zikr aayā yaar
gumān-o-vahm ko kyā kyā na ehtimāl huā
kamāl kaun sā hai vo jise zavāl nahīñ
hazār shukr ki mujh ko na kuchh kamāl huā
tumhārī abrū-e-kaj kā thā duuj kā dhokā
siyāh hotā agar iid kā hilāl huā
diyā jo rañj tire ishq ne to rāhat thī
firāq-e-talḳh to shīrīñ mujhe visāl huā
vahī hai lauh-e-shikast-e-tilism-e-jism 'ātish'
jab e'tidā-e-anāsir meñ iḳhtilāl huā
بلائے جاں مجھے ہر ایک خوش جمال ہوا
چھری جو تیز ہوئی پہلے میں حلال ہوا
گرو ہوا تو اسے چھوٹنا محال ہوا
دل غریب مرا مفلسوں کا مال ہوا
کمی نہیں تری درگاہ میں کسی شے کی
وہی ملا ہے جو محتاج کا سوال ہوا
دکھا کے چہرۂ روشن وہ کہتے ہیں سر شام
وہ آفتاب نہیں ہے جسے زوال ہوا
دکھا نہ دل کو صنم اتحاد رکھتا ہوں
مجھے ملال ہوا تو تجھے ملال ہوا
بجھایا آنکھوں نے وہ رخ تلاش مضموں میں
خیال یار مرا شعر کا خیال ہوا
ترے شہید کے جیب کفن میں اے قاتل
گلال سے بھی ہے رنگ عبیر لال ہوا
بلند خاک نشینی نے قدر کی میری
عروج مجھ کو ہوا جب کہ پائمال ہوا
غضب میں یار کے شان کرم نظر آئی
بنایا سرو چراغاں جسے نہال ہوا
یقیں ہے دیکھتے صوفی تو دم نکل جاتا
ہمارے وجد کے عالم میں ہے جو حال ہوا
وہ ناتواں تھا ارادہ کیا جو کھانے کا
غم فراق کے دانتوں میں میں خلال ہوا
کیا ہے زار یہ تیری کمر کے سودے نے
پڑا جو عکس مرا آئینہ میں بال ہوا
دکھانی تھی نہ تمہیں چشم سرمگیں اپنی
نگاہ ناز سے وحشت زدہ غزال ہوا
دہان یار کے بوسہ کی دل نے رغبت کی
خیال خام کیا طالب محال ہوا
رہا بہار و خزاں میں یہ حال سودے کا
بڑھا تو زلف ہوا گھٹ گیا تو خال ہوا
جنوں میں عالم طفلی کی بادشاہت کی
کھلونا آنکھوں میں اپنی ہر اک غزال ہوا
سنا جمیل بھی تیرا جو نام اے محبوب
ہزار جان سے دل بندۂ جمال ہوا
لکھا ہے عاشقوں میں اپنے تو نے جس کا نام
پھر اس کا چہرہ نہیں عمر بھر بحال ہوا
گنہ کسی نے کیا تھرتھرایا دل اپنا
عرق عرق ہوئے ہم جس کو انفعال ہوا
ترے دہان و کمر کا جو ذکر آیا یار
گمان و وہم کو کیا کیا نہ احتمال ہوا
کمال کون سا ہے وہ جسے زوال نہیں
ہزار شکر کہ مجھ کو نہ کچھ کمال ہوا
تمہاری ابرو کج کا تھا دوج کا دھوکا
سیاہ ہوتا اگر عید کا ہلال ہوا
دیا جو رنج ترے عشق نے تو راحت تھی
فراق تلخ تو شیریں مجھے وصال ہوا
وہی ہے لوح شکست طلسم جسم آتشؔ
جب اعتدال ناصر میں اختلال ہوا