बैठ जा कर सर-ए-मिंबर वा'इज़
हो गया तू तो मिरे सर वा'इज़
मय तो जाएज़ नहीं ये जाएज़ है
रोज़ खाता है मिरा सर वा'इज़
बंद करता है दर-ए-तौबा क्यूँ
खोल कर वा'ज़ का दफ़्तर वा'इज़
वाइ'ज़ों की मैं करूँ क्या ता'रीफ़
घर में मय-ख़्वार हैं बाहर वा'इज़
मय-कशों ही के लिए है ये बात
जो है दिल में वही लब पर वा'इज़
देख किस रंग से उट्ठी है घटा
तह कर अब वा'ज़ का दफ़्तर वा'इज़
किस तरह पीते हैं पीने वाले
देख लेना लब-ए-कौसर वा'इज़
मौत भी आती है तो हीले से
आ गया रिंदों में क्यूँकर वा'इज़
सख़्तियाँ रिंदों पे करते करते
'अक़्ल पर पड़ गए पत्थर वा'इज़
आतिश-ए-तर का जो पड़ जाए मज़ा
फूँक दे वा'ज़ का दफ़्तर वा'इज़
रिंद आपे से जो बाहर हैं तो हों
तू न हो जामे से बाहर वा'इज़
शीशा-ए-दिल का ख़ुदा हाफ़िज़ है
तेरी हर बात है पत्थर वा'इज़
ज़िक्र-ए-मय वा'ज़ में जब आता है
झूमता है सर-ए-मिंबर वा'इज़
ले के आँखों से लगाता साग़र
पढ़ जो लेता ख़त-ए-साग़र वा'इज़
महफ़िल-ए-वाज़ में क्यूँ जाऊँ 'जलील'
हैं मुझे शीशा-ओ-साग़र वा'इज़
baiTh jā kar sar-e-mimbar vā'iz
ho gayā tū to mire sar vā'iz
mai to jaa.ez nahīñ ye jaa.ez hai
roz khātā hai mirā sar vā'iz
band kartā hai dar-e-tauba kyuuñ
khol kar va.az kā daftar vā'iz
vā'izoñ kī maiñ karūñ kyā tā'rīf
ghar meñ mai-ḳhvār haiñ bāhar vā'iz
mai-kashoñ hī ke liye hai ye baat
jo hai dil meñ vahī lab par vā'iz
dekh kis rang se uTThī hai ghaTā
tah kar ab va.az kā daftar vā'iz
kis tarah piite haiñ piine vaale
dekh lenā lab-e-kausar vā'iz
maut bhī aatī hai to hiile se
aa gayā rindoñ meñ kyūñkar vā'iz
saḳhtiyāñ rindoñ pe karte karte
'aql par paḌ ga.e patthar vā'iz
ātish-e-tar kā jo paḌ jaa.e maza
phūñk de va.az kā daftar vā'iz
rind aape se jo bāhar haiñ to hoñ
tū na ho jaame se bāhar vā'iz
shīsha-e-dil kā ḳhudā hāfiz hai
terī har baat hai patthar vā'iz
zikr-e-mai va.az meñ jab aatā hai
jhūmtā hai sar-e-mimbar vā'iz
le ke āñkhoñ se lagātā sāġhar
paḌh jo letā ḳhat-e-sāġhar vā'iz
mahfil-e-va.az meñ kyuuñ jā.ūñ 'jalīl'
haiñ mujhe shīsha-o-sāġhar vā'iz
بیٹھ جا کر سر منبر واعظ
ہو گیا تو تو مرے سر واعظ
مے تو جائز نہیں یہ جائز ہے
روز کھاتا ہے مرا سر واعظ
بند کرتا ہے در توبہ کیوں
کھول کر وعظ کا دفتر واعظ
واعظوں کی میں کروں کیا تعریف
گھر میں مے خوار ہیں باہر واعظ
میکشوں ہی کے لئے ہے یہ بات
جو ہے دل میں وہی لب پر واعظ
دیکھ کس رنگ سے اٹھی ہے گھٹا
تہہ کر اب وعظ کا دفتر واعظ
کس طرح پیتے ہیں پینے والے
دیکھ لینا لب کوثر واعظ
موت بھی آتی ہے تو حیلے سے
آ گیا رندوں میں کیوں کر واعظ
سختیاں رندوں پہ کرتے کرتے
عقل پر پڑ گئے پتھر واعظ
آتش تر کا جو پڑ جائے مزہ
پھونک دے وعظ کا دفتر واعظ
رند آپے سے جو باہر ہیں تو ہوں
تو نہ ہو جامے سے باہر واعظ
شیشۂ دل کا خدا حافظ ہے
تیری ہر بات ہے پتھر واعظ
ذکر مے وعظ میں جب آتا ہے
جھومتا ہے سر منبر واعظ
لے کے آنکھوں سے لگاتا ساغر
پڑھ جو لیتا خط ساغر واعظ
محفل وعظ میں کیوں جاؤں جلیلؔ
ہیں مجھے شیشہ و ساغر واعظ