बहुत सुलझी हुई बातों को भी उलझाए रखते हैं
जो है काम आज का कल तक उसे लटकाए रखते हैं
तग़ाफ़ुल सा रवा रखते हैं उस के सामने क्या क्या
मगर अंदर ही अंदर तब्अ को ललचाए रखते हैं
हमारी जुस्तुजू से दूर-तर है मंज़िल-ए-मअ'नी
उसी को खोए रखना है जिसे हम पाए रखते हैं
हमारी आरज़ू अपनी समझ में भी नहीं आती
पजामा इस तरह का है जिसे उलटाए रखते हैं
हवाएँ भूल कर भी इस तरफ़ का रुख़ नहीं करतीं
सो ये शाख़-ए-तमाशा आप ही थर्राए रखते हैं
इसी की रौशनी है और इसी में भस्म होना है
ये शोला शाम का जो रात भर भड़काए रखते हैं
हम इतनी रौशनी में देख भी सकते नहीं उस को
सो अपने आप ही इस चाँद को गहनाए रखते हैं
नशेब-ए-शाइरी में है हमारी ज़ात से रौनक़
यही पत्थर है जिस को रात दिन लुढ़काए रखते हैं
ये घर जिस का है उस ने वापस आना है 'ज़फ़र' इस में
इसी ख़ातिर दर-ओ-दीवार को महकाए रखते हैं
bahut suljhī huī bātoñ ko bhī uljhā.e rakhte haiñ
jo hai kaam aaj kā kal tak use laTkā.e rakhte haiñ
taġhāful sā ravā rakhte haiñ us ke sāmne kyā kyā
magar andar hī andar tab.a ko lalchā.e rakhte haiñ
hamārī justujū se dūr-tar hai manzil-e-ma.anī
usī ko kho.e rakhnā hai jise ham paa.e rakhte haiñ
hamārī aarzū apnī samajh meñ bhī nahīñ aatī
pajāma is tarah kā hai jise ulTā.e rakhte haiñ
havā.eñ bhuul kar bhī is taraf kā ruḳh nahīñ kartīñ
so ye shāḳh-e-tamāshā aap hī tharrā.e rakhte haiñ
isī kī raushnī hai aur isī meñ bhasm honā hai
ye shola shaam kā jo raat bhar bhaḌkā.e rakhte haiñ
ham itnī raushnī meñ dekh bhī sakte nahīñ us ko
so apne aap hī is chāñd ko gahnā.e rakhte haiñ
nasheb-e-shā.irī meñ hai hamārī zaat se raunaq
yahī patthar hai jis ko raat din luḌhkā.e rakhte haiñ
ye ghar jis kā hai us ne vāpas aanā hai 'zafar' is meñ
isī ḳhātir dar-o-dīvār ko mahkā.e rakhte haiñ
بہت سلجھی ہوئی باتوں کو بھی الجھائے رکھتے ہیں
جو ہے کام آج کا کل تک اسے لٹکائے رکھتے ہیں
تغافل سا روا رکھتے ہیں اس کے سامنے کیا کیا
مگر اندر ہی اندر طبع کو للچائے رکھتے ہیں
ہماری جستجو سے دور تر ہے منزل معنی
اسی کو کھوئے رکھنا ہے جسے ہم پائے رکھتے ہیں
ہماری آرزو اپنی سمجھ میں بھی نہیں آتی
پجامہ اس طرح کا ہے جسے الٹائے رکھتے ہیں
ہوائیں بھول کر بھی اس طرف کا رخ نہیں کرتیں
سو یہ شاخ تماشا آپ ہی تھرائے رکھتے ہیں
اسی کی روشنی ہے اور اسی میں بھسم ہونا ہے
یہ شعلہ شام کا جو رات بھر بھڑکائے رکھتے ہیں
ہم اتنی روشنی میں دیکھ بھی سکتے نہیں اس کو
سو اپنے آپ ہی اس چاند کو گہنائے رکھتے ہیں
نشیب شاعری میں ہے ہماری ذات سے رونق
یہی پتھر ہے جس کو رات دن لڑھکائے رکھتے ہیں
یہ گھر جس کا ہے اس نے واپس آنا ہے ظفرؔ اس میں
اسی خاطر در و دیوار کو مہکائے رکھتے ہیں