बहारें लुटा दीं जवानी लुटा दी
तुम्हारे लिए ज़िंदगानी लुटा दी
सबा ने तो बरसाए गुल फ़स्ल-ए-गुल में
घटा ने मय-ए-अरग़वानी लुटा दी
अदाओं पे कर दी फ़िदा सारी हस्ती
निगाहों पे दुनिया-ए-फ़ानी लुटा दी
अजब दौलत-ए-हुस्न पाई थी दिल ने
न मानी मिरी इक न मानी लुटा दी
न खोना था ग़फ़लत में अहद-ए-जवानी
अजब रात थी ये सुहानी लुटा दी
न की हुस्न की क़द्र ऐ माह-ए-कामिल
फ़क़त रात भर में जवानी लुटा दी
हसीनों ने रंगीनी-ए-ख़्वाब-ए-शीरीं
सुनी जब हमारी कहानी लुटा दी
अजब हौसला हम ने ग़ुंचा का देखा
तबस्सुम पे सारी जवानी लुटा दी
'जलील' आप की शायरी पर किसी ने
निगाहों की जादू-बयानी लुटा दी
bahāreñ luTā diiñ javānī luTā dī
tumhāre liye zindagānī luTā dī
sabā ne to barsā.e gul fasl-e-gul meñ
ghaTā ne mai-e-arġhavānī luTā dī
adāoñ pe kar dī fidā saarī hastī
nigāhoñ pe duniyā-e-fānī luTā dī
ajab daulat-e-husn paa.ī thī dil ne
na maanī mirī ik na maanī luTā dī
na khonā thā ġhaflat meñ ahd-e-javānī
ajab raat thī ye suhānī luTā dī
na kī husn kī qadr ai māh-e-kāmil
faqat raat bhar meñ javānī luTā dī
hasīnoñ ne rañgīni-e-ḳhvāb-e-shīrīñ
sunī jab hamārī kahānī luTā dī
ajab hausla ham ne ġhuncha kā dekhā
tabassum pe saarī javānī luTā dī
'jalīl' aap kī shā.erī par kisī ne
nigāhoñ kī jādū-bayānī luTā dī
بہاریں لٹا دیں جوانی لٹا دی
تمہارے لیے زندگانی لٹا دی
صبا نے تو برسائے گل فصل گل میں
گھٹا نے مئے ارغوانی لٹا دی
اداؤں پہ کر دی فدا ساری ہستی
نگاہوں پہ دنیائے فانی لٹا دی
عجب دولت حسن پائی تھی دل نے
نہ مانی مری اک نہ مانی لٹا دی
نہ کھونا تھا غفلت میں عہد جوانی
عجب رات تھی یہ سہانی لٹا دی
نہ کی حسن کی قدر اے ماہ کامل
فقط رات بھر میں جوانی لٹا دی
حسینوں نے رنگنیئی خواب شیریں
سنی جب ہماری کہانی لٹا دی
عجب حوصلہ ہم نے غنچہ کا دیکھا
تبسم پہ ساری جوانی لٹا دی
جلیلؔ آپ کی شاعری پر کسی نے
نگاہوں کی جادو بیانی لٹا دی