बहा कर ख़ून मेरा मुझ से बोले
कि ले जीने से अपने हाथ धो ले
जो दिल पाया है तो चार अश्क रो ले
ज़मीं अच्छी मिली है बीज बोले
सदा अपनी है बाज़ार-ए-जुनूँ में
दिल अपना मुफ़्त का सौदा है जो ले
वो जाते हैं अकेले मेरे घर से
निकल कर जान तू ही साथ हो ले
खुलेगी ज़ुल्फ़ से ख़ुद दिल की चोरी
वो जादू क्या न जो सर चढ़ के बोले
तुझे है इख़्तियार आना न आना
दिल-ए-मुज़्तर का कहना मान तो ले
अजल बोली ये तुर्बत में लिटा कर
बहुत जागा है अब जी भर के सो ले
घटाएँ झूमती हैं मय-कदे पर
कि परियाँ उड़ रही हैं बाल खोले
किसी को दे दिया दिल मुफ़्त अपना
'जलील' ऐसे ही तो हैं आप भोले
bahā kar ḳhuun merā mujh se bole
ki le jiine se apne haath dho le
jo dil paayā hai to chaar ashk ro le
zamīñ achchhī milī hai biij bole
sadā apnī hai bāzār-e-junūñ meñ
dil apnā muft kā saudā hai jo le
vo jaate haiñ akele mere ghar se
nikal kar jaan tū hī saath ho le
khulegī zulf se ḳhud dil kī chorī
vo jaadū kyā na jo sar chaḌh ke bole
tujhe hai iḳhtiyār aanā na aanā
dil-e-muztar kā kahnā maan to le
ajal bolī ye turbat meñ liTā kar
bahut jaagā hai ab jī bhar ke so le
ghaTā.eñ jhūmtī haiñ mai-kade par
ki pariyāñ uḌ rahī haiñ baal khole
kisī ko de diyā dil muft apnā
'jalīl' aise hī to haiñ aap bhole
بہا کر خون میرا مجھ سے بولے
کہ لے جینے سے اپنے ہاتھ دھو لے
جو دل پایا ہے تو چار اشک رو لے
زمیں اچھی ملی ہے بیج بولے
صدا اپنی ہے بازار جنوں میں
دل اپنا مفت کا سودا ہے جو لے
وہ جاتے ہیں اکیلے میرے گھر سے
نکل کر جان تو ہی ساتھ ہو لے
کھلے گی زلف سے خود دل کی چوری
وہ جادو کیا نہ جو سر چڑھ کے بولے
تجھے ہے اختیار آنا نہ آنا
دل مضطر کا کہنا مان تو لے
اجل بولی یہ تربت میں لٹا کر
بہت جاگا ہے اب جی بھر کے سو لے
گھٹائیں جھومتی ہیں میکدے پر
کہ پریاں اڑ رہی ہیں بال کھولے
کسی کو دے دیا دل مفت اپنا
جلیلؔ ایسے ہی تو ہیں آپ بھولے