बद-दु'आ तेरी मिरे हक़ में दु'आ हो जाना
है करामत तुझे एहसास-ए-वफ़ा हो जाना
है यक़ीनन मिरी फ़रियाद-ओ-फ़ुग़ाँ की तासीर
‘अंदलीबों का यहाँ शो'ला-नवा हो जाना
रखे जिस हाल में तू शुक्र-ए-ख़ुदा कर बंदे
है मुनासिब तुझे राज़ी-ब-रज़ा हो जाना
मेरे नज़दीक नहीं बढ़ के 'इबादत इस से
फ़र्ज़ इंसाँ पे जो लाज़िम है अदा हो जाना
हुस्न-ए-अख़्लाक़ से इंसान का होना 'आरी
जैसे इक फूल से ख़ुशबू का जुदा हो जाना
शिद्दत-ए-ग़म से हुआ हम पे ये वाज़ेह 'जगदीश'
दर्द का हद से गुज़रना है दवा हो जाना
bad-du'ā terī mire haq meñ du'ā ho jaanā
hai karāmat tujhe ehsās-e-vafā ho jaanā
hai yaqīnan mirī fariyād-o-fuġhāñ kī tāsīr
‘andalīboñ kā yahāñ sho’la-navā ho jaanā
rakhe jis haal meñ tū shukr-e-ḳhudā kar bande
hai munāsib tujhe rāzī-ba-razā ho jaanā
mere nazdīk nahīñ baḌh ke 'ibādat is se
farz insāñ pe jo lāzim hai adā ho jaanā
husn-e-aḳhlāq se insān kā honā 'aarī
jaise ik phuul se ḳhushbū kā judā ho jaanā
shiddat-e-ġham se huā ham pe ye vāzeh 'jagdīsh'
dard kā had se guzarnā hai davā ho jaanā
بد دعا تیری مرے حق میں دعا ہو جانا
ہے کرامت تجھے احساس وفا ہو جانا
ہے یقیناً مری فریاد و فغاں کی تاثیر
عندلیبوں کا یہاں شعلہ نوا ہو جانا
رکھے جس حال میں تو شکر خدا کر بندے
ہے مناسب تجھے راضی بہ رضا ہو جانا
میرے نزدیک نہیں بڑھ کے عبادت اس سے
فرض انساں پہ جو لازم ہے ادا ہو جانا
حسن اخلاق سے انسان کا ہونا عاری
جیسے اک پھول سے خوشبو کا جدا ہو جانا
شدت غم سے ہوا ہم پہ یہ واضح جگدیشؔ
درد کا حد سے گزرنا ہے دوا ہو جانا