बाज़ार-ए-दहर में तिरी मंज़िल कहाँ न थी
यूसुफ़ न जिस में हो कोई ऐसी दुकाँ न थी
ज़र्दी ने मेरे रंग की मुझ को रुला दिया
हँसवाए जो किसी को ये वो ज़ाफ़राँ न थी
ज़ाहिर से ख़ूब-रूयों का बातिन ख़िलाफ़ था
शीरीं-लबों की तरह से उन की ज़बाँ न थी
मंज़िल ही दूर है जो ये पहुँची नहीं हनूज़
दम लेने वाली राह में 'उम्र-ए-रवाँ न थी
दिखलाई सैर आँखों को बाम-ए-मुराद की
ऐसी कोई कमंद कोई नर्दबाँ न थी
क़ौस-ए-क़ुज़ह से हम ने भी तश्बीह दी उसे
चिल्ला न होने से जो वो अबरू कमाँ न थी
आगाह जज़्ब-ए-इश्क़-ए-ज़ुलेख़ा से था न हुस्न
यूसुफ़ को चाह में ख़बर-ए-कारवाँ न थी
याद आ गई जो सिल्क-ए-गुहर तेरे गोश की
सूहान-ए-रूह थी मुझे शब कहकशाँ न थी
रह जाना पीछे जिस्म का जाँ से 'अजब नहीं
किस कारवाँ की गर्द पस-ए-कारवाँ न थी
ना-फ़हमी की दलील है ये सज्दा से अबा
इबलीस को हक़ीक़त-ए-आदम 'अयाँ न थी
'आशिक़ के सर के साथ है साैदा-ए-कू-ए-यार
मोमिन न था वो जिस को हवा-ए-जिनाँ न थी
बाँग-ए-जरस से आगे हर इक का क़दम रहा
गर्द अपने कारवाँ के पस-ए-कारवाँ न थी
अफ़्सोस क्या जवानी-ए-रफ़्ता का कीजिए
वो कौन सी बहार थी जिस को ख़िज़ाँ न थी
नालों से एक दिन न किए गर्म गोश-ए-यार
'आतिश' मगर तुम्हारे दहन में ज़बाँ न थी
bāzār-e-dahr meñ tirī manzil kahāñ na thī
yūsuf na jis meñ ho koī aisī dukāñ na thī
zardī ne mere rang kī mujh ko rulā diyā
hañsvā.e jo kisī ko ye vo za.afarāñ na thī
zāhir se ḳhūb-rūyoñ kā bātin ḳhilāf thā
shīrīñ-laboñ kī tarah se un kī zabāñ na thī
manzil hī duur hai jo ye pahuñchī nahīñ hanūz
dam lene vaalī raah meñ 'umr-e-ravāñ na thī
dikhlā.ī sair āñkhoñ ko bām-e-murād kī
aisī koī kamand koī nardbāñ na thī
qaus-e-quzah se ham ne bhī tashbīh dī use
chilla na hone se jo vo abrū kamāñ na thī
āgāh jazb-e-ishq-e-zuleḳhā se thā na husn
yūsuf ko chaah meñ ḳhabar-e-kārvāñ na thī
yaad aa ga.ī jo silk-e-guhar tere gosh kī
sūhān-e-rūh thī mujhe shab kahkashāñ na thī
rah jaanā pīchhe jism kā jaañ se 'ajab nahīñ
kis kārvāñ kī gard pas-e-kārvāñ na thī
nā-fahmī kī dalīl hai ye sajda se abā
iblīs ko haqīqat-e-ādam 'ayāñ na thī
'āshiq ke sar ke saath hai saudā-e-kū-e-yār
momin na thā vo jis ko havā-e-jināñ na thī
bāñg-e-jaras se aage har ik kā qadam rahā
gard apne kārvāñ ke pas-e-kārvāñ na thī
afsos kyā javānī-e-rafta kā kījiye
vo kaun sī bahār thī jis ko ḳhizāñ na thī
nāloñ se ek din na kiye garm gosh-e-yār
'ātish' magar tumhāre dahan meñ zabāñ na thī
بازار دہر میں تری منزل کہاں نہ تھی
یوسف نہ جس میں ہو کوئی ایسی دکاں نہ تھی
زردی نے میرے رنگ کی مجھ کو رلا دیا
ہنسوائے جو کسی کو یہ وہ زعفراں نہ تھی
ظاہر سے خوب رویوں کا باطن خلاف تھا
شیریں لبوں کی طرح سے ان کی زباں نہ تھی
منزل ہی دور ہے جو یہ پہنچی نہیں ہنوز
دم لینے والی راہ میں عمر رواں نہ تھی
دکھلائی سیر آنکھوں کو بام مراد کی
ایسی کوئی کمند کوئی نردباں نہ تھی
قوس قزح سے ہم نے بھی تشبیہ دی اسے
چلہ نہ ہونے سے جو وہ ابرو کماں نہ تھی
آگاہ جذب عشق زلیخا سے تھا نہ حسن
یوسف کو چاہ میں خبر کارواں نہ تھی
یاد آ گئی جو سلک گہر تیرے گوش کی
سوہان روح تھی مجھے شب کہکشاں نہ تھی
رہ جانا پیچھے جسم کا جاں سے عجب نہیں
کس کارواں کی گرد پس کارواں نہ تھی
نا فہمی کی دلیل ہے یہ سجدہ سے ابا
ابلیس کو حقیقت آدم عیاں نہ تھی
عاشق کے سر کے ساتھ ہے سودائے کوئے یار
مومن نہ تھا وہ جس کو ہوائے جناں نہ تھی
بانگ جرس سے آگے ہر اک کا قدم رہا
گرد اپنے کارواں کے پس کارواں نہ تھی
افسوس کیا جوانیٔ رفتہ کا کیجیے
وہ کون سی بہار تھی جس کو خزاں نہ تھی
نالوں سے ایک دن نہ کئے گرم گوش یار
آتشؔ مگر تمہارے دہن میں زباں نہ تھی