बात साक़ी की न टाली जाएगी
कर के तौबा तोड़ डाली जाएगी
वो सँवरते हैं मुझे इस की है फ़िक्र
आरज़ू किस की निकाली जाएगी
दिल लिया पहली नज़र में आप ने
अब अदा कोई न ख़ाली जाएगी
आते आते आएगा उन को ख़याल
जाते जाते बे-ख़याली जाएगी
क्या कहूँ दिल तोड़ते हैं किस लिए
आरज़ू शायद निकाली जाएगी
गर्मी-ए-नज़्ज़ारा-बाज़ी का है शौक़
बाग़ से नर्गिस निकाली जाएगी
देखते हैं ग़ौर से मेरी शबीह
शायद उस में जान डाली जाएगी
ऐ तमन्ना तुझ को रो लूँ शाम-ए-वस्ल
आज तू दिल से निकाली जाएगी
फ़स्ल-ए-गुल आई जुनूँ उछला 'जलील'
अब तबीअ'त कुछ सँभाली जाएगी
baat saaqī kī na Taalī jā.egī
kar ke tauba toḌ Daalī jā.egī
vo sañvarte haiñ mujhe is kī hai fikr
aarzū kis kī nikālī jā.egī
dil liyā pahlī nazar meñ aap ne
ab adā koī na ḳhālī jā.egī
aate aate aa.egā un ko ḳhayāl
jaate jaate be-ḳhayālī jā.egī
kyā kahūñ dil toḌte haiñ kis liye
aarzū shāyad nikālī jā.egī
garmi-e-nazzāra-bāzī kā hai shauq
baaġh se nargis nikālī jā.egī
dekhte haiñ ġhaur se merī shabīh
shāyad us meñ jaan Daalī jā.egī
ai tamannā tujh ko ro luuñ shām-e-vasl
aaj tū dil se nikālī jā.egī
fasl-e-gul aa.ī junūñ uchhlā 'jalīl'
ab tabī.at kuchh sambhālī jā.egī
بات ساقی کی نہ ٹالی جائے گی
کر کے توبہ توڑ ڈالی جائے گی
وہ سنورتے ہیں مجھے اس کی ہے فکر
آرزو کس کی نکالی جائے گی
دل لیا پہلی نظر میں آپ نے
اب ادا کوئی نہ خالی جائے گی
آتے آتے آئے گا ان کو خیال
جاتے جاتے بے خیالی جائے گی
کیا کہوں دل توڑتے ہیں کس لیے
آرزو شاید نکالی جائے گی
گرمئ نظارہ بازی کا ہے شوق
باغ سے نرگس نکالی جائے گی
دیکھتے ہیں غور سے میری شبیہ
شاید اس میں جان ڈالی جائے گی
اے تمنا تجھ کو رو لوں شام وصل
آج تو دل سے نکالی جائے گی
فصل گل آئی جنوں اچھلا جلیلؔ
اب طبیعت کچھ سنبھالی جائے گی