बात ऐसी भी कोई नहीं कि मोहब्बत बहुत ज़ियादा है
लेकिन हम दोनों से उस की ताक़त बहुत ज़ियादा है
आप के पीछे पीछे फिरने से तो रहे इस 'उम्र में हम
राह पे आ बैठे हैं ये भी ग़नीमत बहुत ज़ियादा है
'इश्क़ उदासी के पैग़ाम तो लाता रहता है दिन रात
लेकिन हम को ख़ुश रहने की 'आदत बहुत ज़ियादा है
काम तो काफ़ी रहता है लेकिन करना है किस ने यहाँ
बे-शक रोज़ इधर आ निकलो फ़ुर्सत बहुत ज़ियादा है
क्या कुछ हो न सका हम से और होने वाला है क्या कुछ
हसरत भी काफ़ी है लेकिन हैरत बहुत ज़ियादा है
सैर ही करके आ जाएँगे फिर बाज़ार-ए-तमाशा की
जिस शय को भी हाथ लगाएँ क़ीमत बहुत ज़ियादा है
उस की तवज्जोह हासिल की और बीच में सब कुछ छोड़ दिया
हिकमत जितनी भी हो इस में हिमाक़त बहुत ज़ियादा है
'इश्क़ है किस को याद कि हम तो डरते ही रहते हैं सदा
हुस्न वो जैसा भी है उस की दहशत बहुत ज़ियादा है
एक चीज़ जो अपनी रसाई से बाहर है कहीं 'ज़फ़र'
सच पूछो तो इस की हमें ज़रूरत बहुत ज़ियादा है
baat aisī bhī koī nahīñ ki mohabbat bahut ziyāda hai
lekin ham donoñ se us kī tāqat bahut ziyāda hai
aap ke pīchhe pīchhe phirne se to rahe is 'umr meñ ham
raah pe aa baiThe haiñ ye bhī ġhanīmat bahut ziyāda hai
'ishq udāsī ke paiġhām to laatā rahtā hai din raat
lekin ham ko ḳhush rahne kī 'ādat bahut ziyāda hai
kaam to kaafī rahtā hai lekin karnā hai kis ne yahāñ
be-shak roz idhar aa niklo fursat bahut ziyāda hai
kyā kuchh ho na sakā ham se aur hone vaalā hai kyā kuchh
hasrat bhī kaafī hai lekin hairat bahut ziyāda hai
sair hī karke aa jā.eñge phir bāzār-e-tamāshā kī
jis shai ko bhī haath lagā.eñ qīmat bahut ziyāda hai
us kī tavajjoh hāsil kī aur biich meñ sab kuchh chhoḌ diyā
hikmat jitnī bhī ho is meñ himāqat bahut ziyāda hai
'ishq hai kis ko yaad ki ham to Darte hī rahte haiñ sadā
husn vo jaisā bhī hai us kī dahshat bahut ziyāda hai
ek chiiz jo apnī rasā.ī se bāhar hai kahīñ 'zafar'
sach pūchho to is kī hameñ zarūrat bahut ziyāda hai
بات ایسی بھی کوئی نہیں کہ محبت بہت زیادہ ہے
لیکن ہم دونوں سے اس کی طاقت بہت زیادہ ہے
آپ کے پیچھے پیچھے پھرنے سے تو رہے اس عمر میں ہم
راہ پہ آ بیٹھے ہیں یہ بھی غنیمت بہت زیادہ ہے
عشق اداسی کے پیغام تو لاتا رہتا ہے دن رات
لیکن ہم کو خوش رہنے کی عادت بہت زیادہ ہے
کام تو کافی رہتا ہے لیکن کرنا ہے کس نے یہاں
بے شک روز ادھر آ نکلو فرصت بہت زیادہ ہے
کیا کچھ ہو نہ سکا ہم سے اور ہونے والا ہے کیا کچھ
حسرت بھی کافی ہے لیکن حیرت بہت زیادہ ہے
سیر ہی کرکے آ جائیں گے پھر بازار تماشا کی
جس شے کو بھی ہاتھ لگائیں قیمت بہت زیادہ ہے
اس کی توجہ حاصل کی اور بیچ میں سب کچھ چھوڑ دیا
حکمت جتنی بھی ہو اس میں حماقت بہت زیادہ ہے
عشق ہے کس کو یاد کہ ہم تو ڈرتے ہی رہتے ہیں سدا
حسن وہ جیسا بھی ہے اس کی دہشت بہت زیادہ ہے
ایک چیز جو اپنی رسائی سے باہر ہے کہیں ظفرؔ
سچ پوچھو تو اس کی ہمیں ضرورت بہت زیادہ ہے