बाक़ी जहाँ में क़ैस न फ़रहाद रह गया
अफ़्साना 'आशिक़ों का फ़क़त याद रह गया
ये सख़्त-जाँ तो क़त्ल से नाशाद रह गया
ख़ंजर चला तो बाज़ू-ए-जल्लाद रह गया
पाबंदियों ने 'इश्क़ की बेकस रखा मुझे
मैं सौ असीरियों में भी आज़ाद रह गया
चश्म-ए-सनम ने यूँ तो बिगाड़े हज़ार घर
इक का'बा चंद रोज़ को आबाद रह गया
महशर में जा-ए-शिकवा किया शुक्र यार का
जो भूलना था मुझ को वही याद रह गया
उन की तो बन पड़ी कि लगी जान मुफ़्त हाथ
तेरी गिरह में क्या दिल-ए-नाशाद रह गया
पुर-नूर हो रहेगा ये ज़ुल्मत-कदा अगर
दिल में बुतों का शौक़-ए-ख़ुदा-दाद रह गया
यूँ आँख उन की कर के इशारा पलट गई
गोया कि लब से हो के कुछ इरशाद रह गया
नासेह का जी चला था हमारी तरह मगर
उल्फ़त की देख देख के उफ़्ताद रह गया
हैं तेरे दिल में सब के ठिकाने बुरे भले
मैं ख़ानुमाँ-ख़राब ही बर्बाद रह गया
वो दिन गए कि थी मिरे सीने में कुछ ख़राश
अब दिल कहाँ है दिल का निशाँ याद रह गया
सूरत को तेरी देख के खिंचती है जान-ए-ख़ल्क़
दिल अपना थाम थाम के बहज़ाद रह गया
ऐ 'दाग़' दिल ही दिल में घुले ज़ब्त-ए-'इश्क़ से
अफ़्सोस शौक़-ए-नाला-ओ-फ़रयाद रह गया
baaqī jahāñ meñ qais na farhād rah gayā
afsāna 'āshiqoñ kā faqat yaad rah gayā
ye saḳht-jāñ to qatl se nāshād rah gayā
ḳhanjar chalā to bāzū-e-jallād rah gayā
pābandiyoñ ne 'ishq kī bekas rakhā mujhe
maiñ sau asīriyoñ meñ bhī āzād rah gayā
chashm-e-sanam ne yuuñ to bigāḌe hazār ghar
ik kā'ba chand roz ko ābād rah gayā
mahshar meñ jā-e-shikva kiyā shukr yaar kā
jo bhūlnā thā mujh ko vahī yaad rah gayā
un kī to ban paḌī ki lagī jaan muft haath
terī girah meñ kyā dil-e-nāshād rah gayā
pur-nūr ho rahegā ye zulmat-kada agar
dil meñ butoñ kā shauq-e-ḳhudā-dād rah gayā
yuuñ aañkh un kī kar ke ishāra palaT ga.ī
goyā ki lab se ho ke kuchh irshād rah gayā
nāseh kā jī chalā thā hamārī tarah magar
ulfat kī dekh dekh ke uftād rah gayā
haiñ tere dil meñ sab ke Thikāne bure bhale
maiñ ḳhānumāñ-ḳharāb hī barbād rah gayā
vo din gaye ki thī mire siine meñ kuchh ḳharāsh
ab dil kahāñ hai dil kā nishāñ yaad rah gayā
sūrat ko terī dekh ke khiñchtī hai jān-e-ḳhalq
dil apnā thaam thaam ke bahzād rah gayā
ai 'dāġh' dil hī dil meñ ghule zabt-e-'ishq se
afsos shauq-e-nāl-o-faryād rah gayā
باقی جہاں میں قیس نہ فرہاد رہ گیا
افسانہ عاشقوں کا فقط یاد رہ گیا
یہ سخت جاں تو قتل سے ناشاد رہ گیا
خنجر چلا تو بازوئے جلاد رہ گیا
پابندیوں نے عشق کی بیکس رکھا مجھے
میں سو اسیریوں میں بھی آزاد رہ گیا
چشم صنم نے یوں تو بگاڑے ہزار گھر
اک کعبہ چند روز کو آباد رہ گیا
محشر میں جائے شکوہ کیا شکر یار کا
جو بھولنا تھا مجھ کو وہی یاد رہ گیا
ان کی تو بن پڑی کہ لگی جان مفت ہاتھ
تیری گرہ میں کیا دل ناشاد رہ گیا
پر نور ہو رہے گا یہ ظلمت کدہ اگر
دل میں بتوں کا شوق خداداد رہ گیا
یوں آنکھ ان کی کر کے اشارہ پلٹ گئی
گویا کہ لب سے ہو کے کچھ ارشاد رہ گیا
ناصح کا جی چلا تھا ہماری طرح مگر
الفت کی دیکھ دیکھ کے افتاد رہ گیا
ہیں تیرے دل میں سب کے ٹھکانے برے بھلے
میں خانماں خراب ہی برباد رہ گیا
وہ دن گئے کہ تھی مرے سینے میں کچھ خراش
اب دل کہاں ہے دل کا نشاں یاد رہ گیا
صورت کو تیری دیکھ کے کھنچتی ہے جان خلق
دل اپنا تھام تھام کے بہزاد رہ گیا
اے داغؔ دل ہی دل میں گھلے ضبط عشق سے
افسوس شوق نالہ و فریاد رہ گیا