बाहर आया हूँ बस इतने ही ख़सारे के लिए
ख़स कोई चाहिए सूरज के शरारे के लिए
कोई मंज़र मिरे अन्दर ही रवाँ रहता है
मैं कि आँखें नहीं रखता हूँ नज़ारे के लिए
आ कि मैं कर सकूँ इक रोज़ कहीं इस के सिपुर्द
अपनी तस्वीर बनाता हूँ सितारे के लिए
साँस लेने के लिए ताज़ा हवा चाहता हूँ
बे-घरी चाहिए है एक गुज़ारे के लिए
डरता रहता हूँ कि गिर जाऊँ न ख़ुद साथ उस के
रुक तो जाता हूँ तिरा बोझ उतारे के लिए
'इश्क़ टुकड़ों का सज़ा-वार नहीं है सो 'ज़फ़र'
बात उस शोख़ से करना कभी सारे के लिए
bāhar aayā huuñ bas itne hī ḳhasāre ke liye
ḳhas koī chāhiye sūraj ke sharāre ke liye
koī manzar mire andar hī ravāñ rahtā hai
maiñ ki āñkheñ nahīñ rakhtā huuñ nazāre ke liye
aa ki maiñ kar sakūñ ik roz kahīñ is ke sipurd
apnī tasvīr banātā huuñ sitāre ke liye
saañs lene ke liye taaza havā chāhtā huuñ
be-gharī chāhiye hai ek guzāre ke liye
Dartā rahtā huuñ ki gir jā.ūñ na ḳhud saath us ke
ruk to jaatā huuñ tirā bojh utāre ke liye
'ishq TukḌoñ kā sazā-vār nahīñ hai so 'zafar'
baat us shoḳh se karnā kabhī saare ke liye
باہر آیا ہوں بس اتنے ہی خسارے کے لیے
خس کوئی چاہیے سورج کے شرارے کے لیے
کوئی منظر مرے اندر ہی رواں رہتا ہے
میں کہ آنکھیں نہیں رکھتا ہوں نظارے کے لیے
آ کہ میں کر سکوں اک روز کہیں اس کے سپرد
اپنی تصویر بناتا ہوں ستارے کے لیے
سانس لینے کے لیے تازہ ہوا چاہتا ہوں
بے گھری چاہیے ہے ایک گزارے کے لیے
ڈرتا رہتا ہوں کہ گر جاؤں نہ خود ساتھ اس کے
رک تو جاتا ہوں ترا بوجھ اتارے کے لیے
عشق ٹکڑوں کا سزاوار نہیں ہے سو ظفرؔ
بات اس شوخ سے کرنا کبھی سارے کے لیے