अव्वल तो रहे दूर वो नालों से हमारे
पास आए तो घबराए सवालों से हमारे
ये कहते हैं बुलबुल से वो गुल हाथ में ले कर
तू देख मला कर इसे गालों से हमारे
क्या बरहना-पा दश्त में लाखों भी न होंगे
काँटों को मगर छेड़ है छालों से हमारे
हर वक़्त नई धुन है हमें ताज़ा तसव्वुर
जाओगे कहाँ बच के ख़यालों से हमारे
कहती हैं वो आँखें सफ़-ए-मिज़्गाँ को बढ़ा कर
है कौन जो रू-कश हो रिसालों से हमारे
ऐ 'दाग़' फ़लक दुश्मन-ए-अरबाब-ए-हुनर है
ज़ालिम को ख़बर हो न कमालों से हमारे
avval to rahe duur vo nāloñ se hamāre
paas aa.e to ghabrā.e savāloñ se hamāre
ye kahte haiñ bulbul se vo gul haath meñ le kar
tū dekh malā kar ise gāloñ se hamāre
kyā barhana-pā dasht meñ lākhoñ bhī na hoñge
kāñToñ ko magar chheḌ hai chhāloñ se hamāre
har vaqt na.ī dhun hai hameñ taaza tasavvur
jāoge kahāñ bach ke ḳhayāloñ se hamāre
kahtī haiñ vo āñkheñ saf-e-mizhgāñ ko baḌhā kar
hai kaun jo rū-kash ho risāloñ se hamāre
ai 'dāġh' falak dushman-e-arbāb-e-hunar hai
zālim ko ḳhabar ho na kamāloñ se hamāre
اول تو رہے دور وہ نالوں سے ہمارے
پاس آئے تو گھبرائے سوالوں سے ہمارے
یہ کہتے ہیں بلبل سے وہ گل ہاتھ میں لے کر
تو دیکھ ملا کر اسے گالوں سے ہمارے
کیا برہنہ پا دشت میں لاکھوں بھی نہ ہوں گے
کانٹوں کو مگر چھیڑ ہے چھالوں سے ہمارے
ہر وقت نئی دھن ہے ہمیں تازہ تصور
جاؤ گے کہاں بچ کے خیالوں سے ہمارے
کہتی ہیں وہ آنکھیں صف مژگاں کو بڑھا کر
ہے کون جو روکش ہو رسالوں سے ہمارے
اے داغؔ فلک دشمن ارباب ہنر ہے
ظالم کو خبر ہو نہ کمالوں سے ہمارے