अपने रहने का ठिकाना और है
ये क़फ़स ये आशियाना और है
मौत का आना भी देखा बार-हा
पर किसी पर दिल का आना और है
नाज़ उठाने को उठाते हैं सभी
अपने दिल का नाज़ उठाना और है
दर्द-ए-दिल सुन कर तुम्हें नींद आ चुकी
बंदा-परवर ये फ़साना और है
रात भर में शम-ए-महफ़िल जल-बुझी
आशिक़ों का दिल जलाना और है
हम कहाँ फिर बाग़बाँ गुलशन कहाँ
एक दो दिन आब-ओ-दाना और है
भोली भोली उन की बातें हो चुकीं
अब ख़ुदा रक्खे ज़माना और है
छोड़ दूँ क्यूँकर दर-ए-पीर-ए-मुग़ाँ
कोई ऐसा आस्ताना और है
यार-ए-सादिक़ ढूँडते हो तुम 'जलील'
मुश्फ़िक़-ए-मन ये ज़माना और है
apne rahne kā Thikānā aur hai
ye qafas ye āshiyānā aur hai
maut kā aanā bhī dekhā bār-hā
par kisī par dil kā aanā aur hai
naaz uThāne ko uThāte haiñ sabhī
apne dil kā naaz uThānā aur hai
dard-e-dil sun kar tumheñ niiñd aa chukī
banda-parvar ye fasānā aur hai
raat bhar meñ sham-e-mahfil jal-bujhī
āshiqoñ kā dil jalānā aur hai
ham kahāñ phir bāġhbāñ gulshan kahāñ
ek do din āb-o-dānā aur hai
bholī bholī un kī bāteñ ho chukīñ
ab ḳhudā rakkhe zamānā aur hai
chhoḌ duuñ kyūñkar dar-e-pīr-e-muġhāñ
koī aisā āstānā aur hai
yār-e-sādiq DhūñDte ho tum 'jalīl'
mushfiq-e-man ye zamānā aur hai
اپنے رہنے کا ٹھکانا اور ہے
یہ قفس یہ آشیانا اور ہے
موت کا آنا بھی دیکھا بارہا
پر کسی پر دل کا آنا اور ہے
ناز اٹھانے کو اٹھاتے ہیں سبھی
اپنے دل کا ناز اٹھانا اور ہے
درد دل سن کر تمہیں نیند آ چکی
بندہ پرور یہ فسانا اور ہے
رات بھر میں شمع محفل جل بجھی
عاشقوں کا دل جلانا اور ہے
ہم کہاں پھر باغباں گلشن کہاں
ایک دو دن آب و دانا اور ہے
بھولی بھولی ان کی باتیں ہو چکیں
اب خدا رکھے زمانا اور ہے
چھوڑ دوں کیوں کر در پیر مغاں
کوئی ایسا آستانا اور ہے
یار صادق ڈھونڈتے ہو تم جلیلؔ
مشفق من یہ زمانا اور ہے