अपने इंकार के बर-अक्स बराबर कोई था
दिल में इक ख़्वाब था और ख़्वाब के अंदर कोई था
हम पसीने में शराबोर थे और दूर कहीं
ऐसे लगता है कहीं तख़्त-ए-हवा पर कोई था
उस के बाग़ात पे उतरा हुआ था मौसम-ए-रंग
क़ाबिल-ए-दीद हर इक सम्त से मंज़र कोई था
शक अगर था भी तो मिटता गया होते होते
और अब पुख़्ता यक़ीं है कि सरासर कोई था
इस दिल-ए-तंग में क्या उस की रिहाइश होती
यानी अंदर तो नहीं था मिरे बाहर कोई था
शक्ल कुछ याद है कुछ भूल चुकी है उस की
कोई दिन थे कि मुकम्मल मुझे अज़्बर कोई था
दाएरे में कभी रक्खा ही नहीं उस ने क़दम
और मोहब्बत के मज़ाफ़ात में अक्सर कोई था
मैं उसे छोड़ के ख़ुद ही चला आया था कभी
और अब पूछता फिरता हूँ मिरा घर कोई था
यावा-गो था 'ज़फ़र' इस अहद-ए-ख़राबी में कोई
यावा-गो ही उसे कहते हैं सुख़न-वर कोई था
apne inkār ke bar-aks barābar koī thā
dil meñ ik ḳhvāb thā aur ḳhvāb ke andar koī thā
ham pasīne meñ sharābor the aur duur kahīñ
aise lagtā hai kahīñ taḳht-e-havā par koī thā
us ke bāġhāt pe utrā huā thā mausam-e-rañg
qābil-e-dīd har ik samt se manzar koī thā
shak agar thā bhī to miTtā gayā hote hote
aur ab puḳhta yaqīñ hai ki sarāsar koī thā
is dil-e-tañg meñ kyā us kī rihā.ish hotī
yaanī andar to nahīñ thā mire bāhar koī thā
shakl kuchh yaad hai kuchh bhuul chukī hai us kī
koī din the ki mukammal mujhe azbar koī thā
dā.ere meñ kabhī rakkhā hī nahīñ us ne qadam
aur mohabbat ke mazāfāt meñ aksar koī thā
maiñ use chhoḌ ke ḳhud hī chalā aayā thā kabhī
aur ab pūchhtā phirtā huuñ mirā ghar koī thā
yāva-go thā 'zafar' is ahd-e-ḳharābī meñ koī
yāva-go hī use kahte haiñ suḳhan-var koī thā
اپنے انکار کے برعکس برابر کوئی تھا
دل میں اک خواب تھا اور خواب کے اندر کوئی تھا
ہم پسینے میں شرابور تھے اور دور کہیں
ایسے لگتا ہے کہیں تخت ہوا پر کوئی تھا
اس کے باغات پہ اترا ہوا تھا موسم رنگ
قابل دید ہر اک سمت سے منظر کوئی تھا
شک اگر تھا بھی تو مٹتا گیا ہوتے ہوتے
اور اب پختہ یقیں ہے کہ سراسر کوئی تھا
اس دل تنگ میں کیا اس کی رہائش ہوتی
یعنی اندر تو نہیں تھا مرے باہر کوئی تھا
شکل کچھ یاد ہے کچھ بھول چکی ہے اس کی
کوئی دن تھے کہ مکمل مجھے ازبر کوئی تھا
دائرے میں کبھی رکھا ہی نہیں اس نے قدم
اور محبت کے مضافات میں اکثر کوئی تھا
میں اسے چھوڑ کے خود ہی چلا آیا تھا کبھی
اور اب پوچھتا پھرتا ہوں مرا گھر کوئی تھا
یاوہ گو تھا ظفرؔ اس عہد خرابی میں کوئی
یاوہ گو ہی اسے کہتے ہیں سخن ور کوئی تھا