अपना तो मज़हब ही इस बुनियाद पे क़ाइम है
जो जितना मुतमव्विल है उतना ही मुजरिम है
बाढ़ ही सारा खेत खा गई अब किस से पूछें
महाचोर है जो भी वही हमारा हाकिम है
जो जितना भी फ़ासिक़ और मुनाफ़िक़ है देखो
उस का लब-ओ-लहजा उतना ही नर्म-ओ-मुलाइम है
चलिए कुछ बहरूप तो बदला है बेचारे ने
अन्दर से जाहिल पूरा बाहर से 'आलिम है
ग़ौर से उस का चेहरा देखो और क़यास करो
जो पहले होता था क्या ये वही मुलाज़िम है
पकड़ो उस को और ख़ुद ही उस की तफ़तीश करो
जो मोटी गर्दन वाला है तुम्हारा मुल्ज़िम है
कुछ भी कहना चाहते हो तो खुल कर कहो 'ज़फ़र'
इन हालात में सच्ची-सीधी बात ही लाज़िम है
apnā to maz.hab hī is buniyād pe qaa.im hai
jo jitnā mutamavvil hai utnā hī mujrim hai
baaḌh hī saarā khet khā ga.ī ab kis se pūchheñ
mahā-chor hai jo bhī vahī hamārā hākim hai
jo jitnā bhī fāsiq aur munāfiq hai dekho
us kā lab-o-lahja utnā hī narm-o-mulā.im hai
chaliye kuchh bahrūp to badla hai bechāre ne
andar se jāhil puurā bāhar se 'ālim hai
ġhaur se us kā chehra dekho aur qayās karo
jo pahle hotā thā kyā ye vahī mulāzim hai
pakḌo us ko aur ḳhud hī us kī taftīsh karo
jo moTī gardan vaalā hai tumhārā mulzim hai
kuchh bhī kahnā chāhte ho to khul kar kaho 'zafar'
in hālāt meñ sachchī-sīdhī baat hī lāzim hai
اپنا تو مذہب ہی اس بنیاد پہ قائم ہے
جو جتنا متمول ہے اتنا ہی مجرم ہے
باڑھ ہی سارا کھیت کھا گئی اب کس سے پوچھیں
مہا چور ہے جو بھی وہی ہمارا حاکم ہے
جو جتنا بھی فاسق اور منافق ہے دیکھو
اس کا لب و لہجہ اتنا ہی نرم و ملائم ہے
چلئے کچھ بہروپ تو بدلہ ہے بے چارے نے
اندر سے جاہل پورا باہر سے عالم ہے
غور سے اس کا چہرہ دیکھو اور قیاس کرو
جو پہلے ہوتا تھا کیا یہ وہی ملازم ہے
پکڑو اس کو اور خود ہی اس کی تفتیش کرو
جو موٹی گردن والا ہے تمہارا ملزم ہے
کچھ بھی کہنا چاہتے ہو تو کھل کر کہو ظفرؔ
ان حالات میں سچی سیدھی بات ہی لازم ہے