अंधेरे छा रहे थे या उजाला होने वाला था
दरीचा बादलों का ख़ाक पर वा होने वाला था
हवा ख़ुद से उलझने के लिए तय्यार थी जैसे
ज़रा सी देर में सारा तमाशा होने वाला था
कुछ अपने बोझ से ही टूट भी सकता था उस लम्हे
कि ख़ुद मैं जिस क़दर कम था ज़ियादा होने वाला था
हमारी ख़्वाहिश-ए-नाकाम का क्या दख़्ल है इस में
कि उतना हो चुका था काम जितना होने वाला था
हमें इक 'उम्र थी दरकार उस के पार करने को
हमारे दरमियाँ जो ख़्वाब दरिया होने वाला था
कसर कुछ रह गई थी जैसे पहली बार होने में
सो जो कुछ हो चुका था अब दुबारा होने वाला था
हमारे हक़ में अब क्या फ़ाएदा होने न होने से
बुरा होने को था या कोई अच्छा होने वाला था
'ज़फ़र' मैं बे-ख़बर सा लग रहा था आप ही वर्ना
मुझे मा'लूम था उस रात क्या क्या होने वाला था
añdhere chhā rahe the yā ujālā hone vaalā thā
darīcha bādaloñ kā ḳhaak par vā hone vaalā thā
havā ḳhud se ulajhne ke liye tayyār thī jaise
zarā sī der meñ saarā tamāsha hone vaalā thā
kuchh apne bojh se hī TuuT bhī saktā thā us lamhe
ki ḳhud maiñ jis qadar kam thā ziyāda hone vaalā thā
hamārī ḳhvāhish-e-nākām kā kyā daḳhl hai is meñ
ki utnā ho chukā thā kaam jitnā hone vaalā thā
hameñ ik 'umr thī darkār us ke paar karne ko
hamāre darmiyāñ jo ḳhvāb dariyā hone vaalā thā
kasar kuchh rah ga.ī thī jaise pahlī baar hone meñ
so jo kuchh ho chukā thā ab dubāra hone vaalā thā
hamāre haq meñ ab kyā fā.eda hone na hone se
burā hone ko thā yā koī achchhā hone vaalā thā
'zafar' maiñ be-ḳhabar sā lag rahā thā aap hī varna
mujhe mā'lūm thā us raat kyā kyā hone vaalā thā
اندھیرے چھا رہے تھے یا اجالا ہونے والا تھا
دریچہ بادلوں کا خاک پر وا ہونے والا تھا
ہوا خود سے الجھنے کے لیے تیار تھی جیسے
ذرا سی دیر میں سارا تماشہ ہونے والا تھا
کچھ اپنے بوجھ سے ہی ٹوٹ بھی سکتا تھا اس لمحے
کہ خود میں جس قدر کم تھا زیادہ ہونے والا تھا
ہماری خواہش ناکام کا کیا دخل ہے اس میں
کہ اتنا ہو چکا تھا کام جتنا ہونے والا تھا
ہمیں اک عمر تھی درکار اس کے پار کرنے کو
ہمارے درمیاں جو خواب دریا ہونے والا تھا
کسر کچھ رہ گئی تھی جیسے پہلی بار ہونے میں
سو جو کچھ ہو چکا تھا اب دوبارہ ہونے والا تھا
ہمارے حق میں اب کیا فائدہ ہونے نہ ہونے سے
برا ہونے کو تھا یا کوئی اچھا ہونے والا تھا
ظفرؔ میں بے خبر سا لگ رہا تھا آپ ہی ورنہ
مجھے معلوم تھا اس رات کیا کیا ہونے والا تھا