अजीब तरह का इक ग़म है जाँ से लिपटा हुआ
बगूला जैसे कोई बादबाँ से लिपटा हुआ
मैं लिखने बैठूँ तो काग़ज़ ही भीग जाता है
वो शख़्स यूँ है मिरी दास्ताँ से लिपटा हुआ
तलब सुकून में करता हूँ बे-सुकूनी से
कि मेरा सूद है मेरे ज़ियाँ से लिपटा हुआ
मैं नींद में हूँ मगर ख़्वाब किस तरह देखूँ
मिरा शुऊ'र है मेरे गुमाँ से लिपटा हुआ
अगरचे नींद मुझे अब भी आ ही जाती है
मगर वो नींद कि सोता था माँ से लिपटा हुआ
बग़ैर पूछे मुझे रास्ता बताता है
कोई तो है कि मिरे कारवाँ से लिपटा हुआ
ajiib tarah kā ik ġham hai jaañ se lipTā huā
bagūlā jaise koī bādbāñ se lipTā huā
maiñ likhne baiThūñ to kāġhaz hī bhiig jaatā hai
vo shaḳhs yuuñ hai mirī dāstāñ se lipTā huā
talab sukūn meñ kartā huuñ be-sukūnī se
ki merā suud hai mere ziyāñ se lipTā huā
maiñ niiñd meñ huuñ magar ḳhvāb kis tarah dekhūñ
mirā shu.ūr hai mere gumāñ se lipTā huā
agarche niiñd mujhe ab bhī aa hī jaatī hai
magar vo niiñd ki sotā thā maañ se lipTā huā
baġhair pūchhe mujhe rāsta batātā hai
koī to hai ki mire kārvāñ se lipTā huā
عجیب طرح کا اک غم ہے جاں سے لپٹا ہوا
بگولا جیسے کوئی بادباں سے لپٹا ہوا
میں لکھنے بیٹھوں تو کاغذ ہی بھیگ جاتا ہے
وہ شخص یوں ہے مری داستاں سے لپٹا ہوا
طلب سکون میں کرتا ہوں بے سکونی سے
کہ میرا سود ہے میرے زیاں سے لپٹا ہوا
میں نیند میں ہوں مگر خواب کس طرح دیکھوں
مرا شعور ہے میرے گماں سے لپٹا ہوا
اگرچہ نیند مجھے اب بھی آ ہی جاتی ہے
مگر وہ نیند کہ سوتا تھا ماں سے لپٹا ہوا
بغیر پوچھے مجھے راستہ بتاتا ہے
کوئی تو ہے کہ مرے کارواں سے لپٹا ہوا