अजीब जंग-ओ-जिदाल हर पल है मेरे अंदर
कि नूर-ओ-ज़ुल्मत का एक मक़्तल है मेरे अंदर
उगे हैं मुझ में हज़ार-हा ख़ार-ज़ार पौदे
फिर इस पे तुर्रा कि रूह मलमल है मेरे अंदर
ये कैसी बे-मअ'नी ज़िंदगी हो के रह गई है
न कुछ अधूरा न कुछ मुकम्मल है मेरे अंदर
मैं जानता हूँ कि ख़त्म होगा न ये तअफ़्फ़ुन
मगर लुटाऊँगा जितना संदल है मेरे अंदर
समुंदरों में कहाँ तमव्वुज है ऐसा मुमकिन
कि जो तलातुम है जैसी हलचल है मेरे अंदर
बड़े-बड़ों को समझ रहा है जो तिफ़्ल-ए-मकतब
'नदीम' आख़िर वो कौन पागल है मेरे अंदर
ajiib jañg-o-jidāl har pal hai mere andar
ki nūr-o-zulmat kā ek maqtal hai mere andar
uge haiñ mujh meñ hazār-hā ḳhār-zār paude
phir is pe turra ki ruuh malmal hai mere andar
ye kaisī be-ma.anī zindagī ho ke rah ga.ī hai
na kuchh adhūrā na kuchh mukammal hai mere andar
maiñ jāntā huuñ ki ḳhatm hogā na ye ta.affun
magar luTā.ūñgā jitnā sandal hai mere andar
samundaroñ meñ kahāñ tamavvuj hai aisā mumkin
ki jo talātum hai jaisī halchal hai mere andar
baḌe-baḌoñ ko samajh rahā hai jo tifl-e-maktab
'nadīm' āḳhir vo kaun pāgal hai mere andar
عجیب جنگ و جدال ہر پل ہے میرے اندر
کہ نور و ظلمت کا ایک مقتل ہے میرے اندر
اگے ہیں مجھ میں ہزار ہا خار زار پودے
پھر اس پہ طرہ کہ روح ململ ہے میرے اندر
یہ کیسی بے معنی زندگی ہو کے رہ گئی ہے
نہ کچھ ادھورا نہ کچھ مکمل ہے میرے اندر
میں جانتا ہوں کہ ختم ہوگا نہ یہ تعفن
مگر لٹاؤں گا جتنا صندل ہے میرے اندر
سمندروں میں کہاں تموج ہے ایسا ممکن
کہ جو تلاطم ہے جیسی ہلچل ہے میرے اندر
بڑے بڑوں کو سمجھ رہا ہے جو طفل مکتب
ندیمؔ آخر وہ کون پاگل ہے میرے اندر