आसमाँ 'इश्क़ की 'अज़्मत के सिवा भी कुछ है
क्या ये सहरा मिरी वहशत के सवा भी कुछ है
मूँद लूँ आँख तो बे-कार है सब रंग-ए-जहाँ
क्या मिरी चश्म-ए-इनायत के सिवा भी कुछ है
कुछ तो है जिस के बताने से हूँ क़ासिर लेकिन
अब तिरे दर्द में लज़्ज़त के सिवा भी कुछ है
मेरी आँखों से कोई उस का सरापा देखे
तब खुलेगा कि क़यामत के सिवा भी कुछ है
हर त'अल्लुक़ किसी क़ीमत का तलब-गार नहीं
दिल के सौदे में तिजारत के सिवा भी कुछ है
हाँ वो इक लम्हा कि हक़-गोई पे गर्दन कट जाए
या'नी ता-'उम्र 'इबादत के सिवा भी कुछ है
हुस्न सब हुस्न-ए-तबीअ'त पे है मौक़ूफ़ 'नदीम'
या कहीं हुस्न-ए-तबीअ'त के सिवा भी कुछ है
āsmāñ 'ishq kī 'azmat ke sivā bhī kuchh hai
kyā ye sahrā mirī vahshat ke savā bhī kuchh hai
muuñd luuñ aañkh to be-kār hai sab rañg-e-jahāñ
kyā mirī chashm-e-ināyat ke sivā bhī kuchh hai
kuchh to hai jis ke batāne se huuñ qāsir lekin
ab tire dard meñ lazzat ke sivā bhī kuchh hai
merī āñkhoñ se koī us kā sarāpā dekhe
tab khulegā ki qayāmat ke sivā bhī kuchh hai
har ta'alluq kisī qīmat kā talab-gār nahīñ
dil ke saude meñ tijārat ke sivā bhī kuchh hai
haañ vo ik lamha ki haq-goī pe gardan kaT jaa.e
yā'nī tā-'umr 'ibādat ke sivā bhī kuchh hai
husn sab husn-e-tabī.at pe hai mauqūf 'nadīm'
yā kahīñ husn-e-tabī.at ke sivā bhī kuchh hai
آسماں عشق کی عظمت کے سوا بھی کچھ ہے
کیا یہ صحرا مری وحشت کے سوا بھی کچھ ہے
موند لوں آنکھ تو بے کار ہے سب رنگ جہاں
کیا مری چشم عنایت کے سوا بھی کچھ ہے
کچھ تو ہے جس کے بتانے سے ہوں قاصر لیکن
اب ترے درد میں لذت کے سوا بھی کچھ ہے
میری آنکھوں سے کوئی اس کا سراپا دیکھے
تب کھلے گا کہ قیامت کے سوا بھی کچھ ہے
ہر تعلق کسی قیمت کا طلبگار نہیں
دل کے سودے میں تجارت کے سوا بھی کچھ ہے
ہاں وہ اک لمحہ کہ حق گوئی پہ گردن کٹ جائے
یعنی تا عمر عبادت کے سوا بھی کچھ ہے
حسن سب حسن طبیعت پہ ہے موقوف ندیمؔ
یا کہیں حسن طبیعت کے سوا بھی کچھ ہے