आप को मुझ से ख़फ़ा मुझ से ख़फ़ा देखता हूँ
फूटती क्यूँ नहीं आँखें मिरी क्या देखता हूँ
रोज़ इस रूह की वीरानियाँ खिल उठती हैं
रोज़ इस दश्त में इक आबला-पा देखता हूँ
गुल खिलाते हैं नया रोज़ ये रिश्ते-नाते
रोज़ ही ख़ून का इक रंग नया देखता हूँ
एक सच ये है जो दुनिया को बरतने पे खुला
एक सच वो जो किताबों में लिखा देखता हूँ
आप हैं सब से जो अज़-राह-ए-ज़रूरत ही मिले
और मैं आप में भी ख़ू-ए-वफ़ा देखता हूँ
आँख भर कर मैं जिसे देख न पाया था 'नदीम'
ख़ुद को उस ख़्वाब के मलबे में दबा देखता हूँ
aap ko mujh se ḳhafā mujh se ḳhafā dekhtā huuñ
phūTtī kyuuñ nahīñ āñkheñ mirī kyā dekhtā huuñ
roz is ruuh kī vīrāniyāñ khil uThtī haiñ
roz is dasht meñ ik ābla-pā dekhtā huuñ
gul khilāte haiñ nayā roz ye rishte-nāte
roz hī ḳhuun kā ik rañg nayā dekhtā huuñ
ek sach ye hai jo duniyā ko baratne pe khulā
ek sach vo jo kitāboñ meñ likhā dekhtā huuñ
aap haiñ sab se jo az-rāh-e-zarūrat hī mile
aur maiñ aap meñ bhī ḳhū-e-vafā dekhtā huuñ
aañkh bhar kar maiñ jise dekh na paayā thā 'nadīm'
ḳhud ko us ḳhvāb ke malbe meñ dabā dekhtā huuñ
آپ کو مجھ سے خفا مجھ سے خفا دیکھتا ہوں
پھوٹتی کیوں نہیں آنکھیں مری کیا دیکھتا ہوں
روز اس روح کی ویرانیاں کھل اٹھتی ہیں
روز اس دشت میں اک آبلہ پا دیکھتا ہوں
گل کھلاتے ہیں نیا روز یہ رشتے ناطے
روز ہی خون کا اک رنگ نیا دیکھتا ہوں
ایک سچ یہ ہے جو دنیا کو برتنے پہ کھلا
ایک سچ وہ جو کتابوں میں لکھا دیکھتا ہوں
آپ ہیں سب سے جو از راہ ضرورت ہی ملے
اور میں آپ میں بھی خوئے وفا دیکھتا ہوں
آنکھ بھر کر میں جسے دیکھ نہ پایا تھا ندیمؔ
خود کو اس خواب کے ملبے میں دبا دیکھتا ہوں