अजब कोई ज़ोर-ए-बयाँ हो गया हूँ
रुका हूँ तो फिर से रवाँ हो गया हूँ
बहुत गर्द उड़ने लगी मेरे पीछे
अकेला ही मैं कारवाँ हो गया हूँ
सभी मेरे होने पे ख़ुश हो रहे हैं
मुझे भी बताओ कहाँ हो गया हूँ
किनारे निकल आए हैं मेरे अंदर
ब-ज़ाहिर तो मैं बे-कराँ हो गया हूँ
किसी काम से शादमाँ होते होते
किसी बात से बद-गुमाँ हो गया हूँ
किसी के लिए वाक़िआ हूँ यहाँ पर
किसी के लिए दास्ताँ हो गया हूँ
मैं बाहर तो महफ़ूज़ था हर तरह से
घर आया हूँ और बे-अमाँ हो गया हूँ
जो पड़ने लगी थी बहुत मेरी क़ीमत
हूँ शर्मिंदा और राएगाँ हो गया हूँ
'ज़फ़र' काम लूँ अब इशारों से कब तक
ज़बाँ तोड़ कर बे-ज़बाँ हो गया हूँ
ajab koī zor-e-bayāñ ho gayā huuñ
rukā huuñ to phir se ravāñ ho gayā huuñ
bahut gard uḌne lagī mere pīchhe
akelā hī maiñ kārvāñ ho gayā huuñ
sabhī mere hone pe ḳhush ho rahe haiñ
mujhe bhī batāo kahāñ ho gayā huuñ
kināre nikal aa.e haiñ mere andar
ba-zāhir to maiñ be-karāñ ho gayā huuñ
kisī kaam se shādmāñ hote hote
kisī baat se bad-gumāñ ho gayā huuñ
kisī ke liye vāqi.a huuñ yahāñ par
kisī ke liye dāstāñ ho gayā huuñ
maiñ bāhar to mahfūz thā har tarah se
ghar aayā huuñ aur be-amāñ ho gayā huuñ
jo paḌne lagī thī bahut merī qīmat
huuñ sharminda aur rā.egāñ ho gayā huuñ
'zafar' kaam luuñ ab ishāroñ se kab tak
zabāñ toḌ kar be-zabāñ ho gayā huuñ
عجب کوئی زور بیاں ہو گیا ہوں
رکا ہوں تو پھر سے رواں ہو گیا ہوں
بہت گرد اڑنے لگی میرے پیچھے
اکیلا ہی میں کارواں ہو گیا ہوں
سبھی میرے ہونے پہ خوش ہو رہے ہیں
مجھے بھی بتاؤ کہاں ہو گیا ہوں
کنارے نکل آئے ہیں میرے اندر
بظاہر تو میں بے کراں ہو گیا ہوں
کسی کام سے شادماں ہوتے ہوتے
کسی بات سے بدگماں ہو گیا ہوں
کسی کے لیے واقعہ ہوں یہاں پر
کسی کے لیے داستاں ہو گیا ہوں
میں باہر تو محفوظ تھا ہر طرح سے
گھر آیا ہوں اور بے اماں ہو گیا ہوں
جو پڑنے لگی تھی بہت میری قیمت
ہوں شرمندہ اور رائیگاں ہو گیا ہوں
ظفرؔ کام لوں اب اشاروں سے کب تک
زباں توڑ کر بے زباں ہو گیا ہوں