ऐसी वहशत नहीं दिल को कि सँभल जाऊँगा
सूरत-ए-पैरहन-ए-तंग निकल जाऊँगा
वो नहीं हूँ कि रुखाई से जो टल जाऊँगा
आज जाता था तो ज़िद से तिरी कल जाऊँगा
शाम-ए-हिज्राँ किसी सूरत से नहीं होती सुब्ह
मुँह छुपा कर मैं अँधेरे में निकल जाऊँगा
खींच कर तेग़ कमर से किसे दिखलाते हो
नाफ़-ए-माशूक़ नहीं हूँ जो मैं टल जाऊँगा
शब-ए-हिज्र अपनी सियाही किसे दिखलाती है
कुछ मैं लड़का तो नहीं हूँ कि दहल जाऊँगा
कूचा-ए-यार का सौदा है मिरे सर के साथ
पाँव थक थक के हों हर-चंद कि शल जाऊँगा
ज़ब्त-ए-बेताबी-ए-दिल की नहीं ताक़त बाक़ी
कोह-ए-सब्र अब ये सदा देता है टल जाऊँगा
ताले-ए-बद के असर से ये यक़ीं है मुझ को
तेरी हसरत ही में ऐ हुस्न-ए-'अमल जाऊँगा
चार दिन ज़ीस्त के गुज़रेंगे तअस्सुफ़ में मुझे
हाल-ए-दिल पर कफ़-ए-अफ़्सोस मैं मल जाऊँगा
शो'ला-रूयों को न दिखलाओ मुझे ऐ आँखो
मोम से नर्म मिरा दिल है पिघल जाऊँगा
हाल-ए-पीरी किसे मा'लूम जवानी में था
क्या समझता था मैं दो दिन में बदल जाऊँगा
वही दीवानगी मेरी है बहार आने दो
देख कर लड़कों की सूरत को बहल जाऊँगा
शेर ढलते हैं मिरी फ़िक्र से आज ऐ 'आतिश'
मर के कल गोर के साँचे में मैं ढल जाऊँगा
aisī vahshat nahīñ dil ko ki sañbhal jā.ūñgā
sūrat-e-pairahan-e-tañg nikal jā.ūñgā
vo nahīñ huuñ ki rukhā.ī se jo Tal jā.ūñgā
aaj jaatā thā to zid se tirī kal jā.ūñgā
shām-e-hijrāñ kisī sūrat se nahīñ hotī sub.h
muñh chhupā kar maiñ añdhere meñ nikal jā.ūñgā
khīñch kar teġh kamar se kise dikhlāte ho
nāf-e-ma.ashūq nahīñ huuñ jo maiñ Tal jā.ūñgā
shab-e-hijr apnī siyāhī kise dikhlātī hai
kuchh maiñ laḌkā to nahīñ huuñ ki dahal jā.ūñgā
kūcha-e-yār kā saudā hai mire sar ke saath
paañv thak thak ke hoñ har-chand ki shal jā.ūñgā
zabt-e-betābī-e-dil kī nahīñ tāqat baaqī
koh-e-sabr ab ye sadā detā hai Tal jā.ūñgā
tāl-e-bad ke asar se ye yaqīñ hai mujh ko
terī hasrat hī meñ ai husn-e-'amal jā.ūñgā
chaar din ziist ke guzreñge ta.assuf meñ mujhe
hāl-e-dil par kaf-e-afsos maiñ mal jā.ūñgā
sho.ala-rūyoñ ko na dikhlāo mujhe ai āñkho
mom se narm mirā dil hai pighal jā.ūñgā
hāl-e-pīrī kise mā'lūm javānī meñ thā
kyā samajhtā thā maiñ do din meñ badal jā.ūñgā
vahī dīvāngī merī hai bahār aane do
dekh kar laḌkoñ kī sūrat ko bahal jā.ūñgā
sher Dhalte haiñ mirī fikr se aaj ai 'ātish'
mar ke kal gor ke sāñche meñ maiñ Dhal jā.ūñgā
ایسی وحشت نہیں دل کو کہ سنبھل جاؤں گا
صورت پیرہن تنگ نکل جاؤں گا
وہ نہیں ہوں کہ رکھائی سے جو ٹل جاؤں گا
آج جاتا تھا تو ضد سے تری کل جاؤں گا
شام ہجراں کسی صورت سے نہیں ہوتی صبح
منہ چھپا کر میں اندھیرے میں نکل جاؤں گا
کھینچ کر تیغ کمر سے کسے دکھلاتے ہو
ناف معشوق نہیں ہوں جو میں ٹل جاؤں گا
شب ہجر اپنی سیاہی کسے دکھلاتی ہے
کچھ میں لڑکا تو نہیں ہوں کہ دہل جاؤں گا
کوچۂ یار کا سودا ہے مرے سر کے ساتھ
پاؤں تھک تھک کے ہوں ہر چند کہ شل جاؤں گا
ضبط بیتابیٔ دل کی نہیں طاقت باقی
کوہ صبر اب یہ صدا دیتا ہے ٹل جاؤں گا
طالع بد کے اثر سے یہ یقیں ہے مجھ کو
تیری حسرت ہی میں اے حسن عمل جاؤں گا
چار دن زیست کے گزریں گے تأسف میں مجھے
حال دل پر کف افسوس میں مل جاؤں گا
شعلہ رویوں کو نہ دکھلاؤ مجھے اے آنکھو
موم سے نرم مرا دل ہے پگھل جاؤں گا
حال پیری کسے معلوم جوانی میں تھا
کیا سمجھتا تھا میں دو دن میں بدل جاؤں گا
وہی دیوانگی میری ہے بہار آنے دو
دیکھ کر لڑکوں کی صورت کو بہل جاؤں گا
شیر ڈھلتے ہیں مری فکر سے آج اے آتشؔ
مر کے کل گور کے سانچے میں میں ڈھل جاؤں گا