ऐसी कोई दरपेश हवा आई हमारे
जो साथ ही पत्ते भी उड़ा लाई हमारे
वो अब्र कि छाया रहा आँखों के उफ़ुक़ पर
वो बर्क़ जो अंदर कहीं लहराई हमारे
देखा है बहुत ख़्वाब-ए-मुलाक़ात भी हर-रोज़
हिस्से में जो अब आई है तन्हाई हमारे
इस बार मिली है जो नतीजे में बुराई
काम आई है अपनी कोई अच्छाई हमारे
थे ही नहीं मौजूद तो क्यूँ ख़ल्क़ ने उस की
चारों तरफ़ अफ़्वाह सी फैलाई हमारे
फिर झूट की इस में हमें करनी है मिलावट
फिर रास नहीं आएगी सच्चाई हमारे
डरते हुए खोला तो है ये बाब-ए-तआरुफ़
पड़ जाए गले ही न शनासाई हमारे
दावा तो बहुत रम्ज़-शनासी का उसे था
ये ख़ल्क़ इशारे न समझ पाई हमारे
चल भी दिये दिखला के तमाशा तो 'ज़फ़र' हम
बैठे रहे ता-देर तमाशाई हमारे
aisī koī darpesh havā aa.ī hamāre
jo saath hī patte bhī uḌā laa.ī hamāre
vo abr ki chhāyā rahā āñkhoñ ke ufuq par
vo barq jo andar kahīñ lahrā.ī hamāre
dekhā hai bahut ḳhvāb-e-mulāqāt bhī har-ros
hisse meñ jo ab aa.ī hai tanhā.ī hamāre
is baar milī hai jo natīje meñ burā.ī
kaam aa.ī hai apnī koī achchhā.ī hamāre
the hī nahīñ maujūd to kyuuñ ḳhalq ne us kī
chāroñ taraf afvāh sī phailā.ī hamāre
phir jhuuT kī is meñ hameñ karnī hai milāvaT
phir raas nahīñ aa.egī sachchā.ī hamāre
Darte hue kholā to hai ye bāb-e-ta.āruf
paḌ jaa.e gale hī na shanāsā.ī hamāre
daavā to bahut ramz-shanāsī kā use thā
ye ḳhalq ishāre na samajh paa.ī hamāre
chal bhī diye dikhlā ke tamāshā to 'zafar' ham
baiThe rahe tā-der tamāshā.ī hamāre
ایسی کوئی درپیش ہوا آئی ہمارے
جو ساتھ ہی پتے بھی اڑا لائی ہمارے
وہ ابر کہ چھایا رہا آنکھوں کے افق پر
وہ برق جو اندر کہیں لہرائی ہمارے
دیکھا ہے بہت خواب ملاقات بھی ہر روز
حصے میں جو اب آئی ہے تنہائی ہمارے
اس بار ملی ہے جو نتیجے میں برائی
کام آئی ہے اپنی کوئی اچھائی ہمارے
تھے ہی نہیں موجود تو کیوں خلق نے اس کی
چاروں طرف افواہ سی پھیلائی ہمارے
پھر جھوٹ کی اس میں ہمیں کرنی ہے ملاوٹ
پھر راس نہیں آئے گی سچائی ہمارے
ڈرتے ہوئے کھولا تو ہے یہ باب تعارف
پڑ جائے گلے ہی نہ شناسائی ہمارے
دعویٰ تو بہت رمز شناسی کا اسے تھا
یہ خلق اشارے نہ سمجھ پائی ہمارے
چل بھی دیے دکھلا کے تماشا تو ظفرؔ ہم
بیٹھے رہے تا دیر تماشائی ہمارے