ऐ सनम जिस ने तुझे चाँद सी सूरत दी है
उसी अल्लाह ने मुझ को भी मोहब्बत दी है
तेग़ बे-आब है ने बाज़ू-ए-क़ातिल कमज़ोर
कुछ गिराँ-जानी है कुछ मौत ने फ़ुर्सत दी है
इस क़दर किस के लिए ये जंग-ओ-जदल ऐ गर्दूं
न निशाँ मुझ को दिया है न तू नौबत दी है
साँप के काटे की लहरें हैं शब-ओ-रोज़ आतीं
काकुल-ए-यार के सौदे ने अज़िय्यत दी है
आई इक्सीर ग़नी दिल नहीं रखती ऐसा
ख़ाकसारी नहीं दी है मुझे दौलत दी है
शम' का अपने फ़तीला नहीं किस रात जला
अमल-ए-हुब की बहुत हम ने भी दा'वत दी है
जिस्म को ज़ेर ज़मीं भी वही पहुँचा देगा
रूह को जिस ने फ़लक सैर की ताक़त दी है
फ़ुर्क़त-ए-यार में रो रो के बसर करता हूँ
ज़िंदगानी मुझे क्या दी है मुसीबत दी है
याद-ए-महबूब फ़रामोश न होवे ऐ दिल
हुस्न-ए-निय्यत ने मुझे 'इश्क़ से ने'मत दी है
गोश पैदा किए सुनने को तिरा ज़िक्र-ए-जमाल
देखने को तिरे, आँखों में बसारत दी है
लुत्फ़-ए-दिल-बस्तगी-ए-आशिक़-ए-शैदा को न पूछ
दो जहाँ से इस असीरी ने फ़राग़त दी है
कमर-ए-यार के मज़मून को बाँधो 'आतिश'
ज़ुल्फ़-ए-ख़ूबाँ सी रसा तुम को तबी'अत दी है
ai sanam jis ne tujhe chāñd sī sūrat dī hai
usī allāh ne mujh ko bhī mohabbat dī hai
teġh be-āb hai ne bāzū-e-qātil kamzor
kuchh girāñ-jānī hai kuchh maut ne fursat dī hai
is qadar kis ke liye ye jang-o-jadal ai gardūñ
na nishāñ mujh ko diyā hai na tū naubat dī hai
saañp ke kaaTe kī lahreñ haiñ shab-o-roz ātīñ
kākul-e-yār ke saude ne aziyyat dī hai
aa.ī iksīr ġhanī dil nahīñ rakhtī aisā
ḳhāksārī nahīñ dī hai mujhe daulat dī hai
sham' kā apne fatīla nahīñ kis raat jalā
amal-e-hub kī bahut ham ne bhī dā'vat dī hai
jism ko zer zamīñ bhī vahī pahuñchā degā
ruuh ko jis ne falak sair kī tāqat dī hai
furqat-e-yār meñ ro ro ke basar kartā huuñ
zindagānī mujhe kyā dī hai musībat dī hai
yād-e-mahbūb farāmosh na hove ai dil
husn-e-niyyat ne mujhe 'ishq se ne'mat dī hai
gosh paidā kiye sunñe ko tirā zikr-e-jamāl
dekhne ko tire, āñkhoñ meñ basārat dī hai
lutf-e-dil-bastagī-e-āshiq-e-shaidā ko na pūchh
do jahāñ se is asīrī ne farāġhat dī hai
kamar-e-yār ke mazmūn ko bāñdho 'ātish'
zulf-e-ḳhūbāñ sī rasā tum ko tabī'at dī hai
اے صنم جس نے تجھے چاند سی صورت دی ہے
اسی اللہ نے مجھ کو بھی محبت دی ہے
تیغ بے آب ہے نے بازوئے قاتل کمزور
کچھ گراں جانی ہے کچھ موت نے فرصت دی ہے
اس قدر کس کے لیے یہ جنگ و جدل اے گردوں
نہ نشاں مجھ کو دیا ہے نہ تو نوبت دی ہے
سانپ کے کاٹے کی لہریں ہیں شب و روز آتیں
کاکل یار کے سودے نے اذیت دی ہے
آئی اکسیر غنی دل نہیں رکھتی ایسا
خاکساری نہیں دی ہے مجھے دولت دی ہے
شمع کا اپنے فتیلہ نہیں کس رات جلا
عمل حب کی بہت ہم نے بھی دعوت دی ہے
جسم کو زیر زمیں بھی وہی پہنچا دے گا
روح کو جس نے فلک سیر کی طاقت دی ہے
فرقت یار میں رو رو کے بسر کرتا ہوں
زندگانی مجھے کیا دی ہے مصیبت دی ہے
یاد محبوب فراموش نہ ہووے اے دل
حسن نیت نے مجھے عشق سے نعمت دی ہے
گوش پیدا کیے سننے کو ترا ذکر جمال
دیکھنے کو ترے، آنکھوں میں بصارت دی ہے
لطف دل بستگیٔ عاشق شیدا کو نہ پوچھ
دو جہاں سے اس اسیری نے فراغت دی ہے
کمر یار کے مضمون کو باندھو آتشؔ
زلف خوباں سی رسا تم کو طبیعت دی ہے