ऐ जुनूँ होते हैं सहरा पर उतारे शहर से
फ़स्ल-ए-गुल आई कि दीवाने सिधारे शहर से
ख़ूब रोए हाल पर अपने वतन का सुन के हाल
कोई ग़ुर्बत में जो आ निकला हमारे शहर से
जान दूँगा मैं असीर ऐ दोस्तो चुपके रहो
ज़िक्र क्या उस का कि दीवाना सुधारे शहर से
मौसम-ए-गुल में रहा ज़िंदाँ में और आई न मौत
सामने होती नहीं है आँख सारे शहर से
जोश-ए-वहशत में जो ली ज़िंदाँ से मैं ने राह-ए-दश्त
कौदकाँ मुझ को ख़ुदा-हाफ़िज़ पुकारे शहर से
पाँव में मजनूँ के तो ताक़त नहीं ऐ कूदको
मौसम-ए-गुल की हुआ तुम को उभारे शहर से
इक नज़र लिल्लाह हम को सूरत-ए-ज़ेबा दिखाओ
तिश्ना-ए-दीदार जाते हैं तुम्हारे शहर से
दश्त-गर्दी की नहीं दीवाने को कुछ एहतियाज
जामा से बाहर जो है बाहर है सारे शहर से
चोट सी लगती है दिल जंगल से होता है उचाट
संग-ए-तिफ़्लाँ करते हैं मुझ को इशारे शहर से
जोश-ए-वहशत से नहीं पहुँचा मैं सहरा तक हनूज़
जाने वाले गोर के पहुँचे किनारे शहर से
मौसम-ए-गुल आई निय्यत सेर दीवानों की हो
मेवा-ए-सहराई पर हैं मुँह पसारे शहर से
अब तो आज़ुर्दा है तू लेकिन मलेगा हाथ फिर
जिस घड़ी 'आतिश' निकल जावेगा प्यारे शहर से
ai junūñ hote haiñ sahrā par utāre shahr se
fasl-e-gul aa.ī ki dīvāne sidhāre shahr se
ḳhuub ro.e haal par apne vatan kā sun ke haal
koī ġhurbat meñ jo aa niklā hamāre shahr se
jaan dūñgā maiñ asiir ai dosto chupke raho
zikr kyā us kā ki dīvāna sudhāre shahr se
mausam-e-gul meñ rahā zindāñ meñ aur aa.ī na maut
sāmne hotī nahīñ hai aañkh saare shahr se
josh-e-vahshat meñ jo lī zindāñ se maiñ ne rāh-e-dasht
kaudkāñ mujh ko ḳhudā-hāfiz pukāre shahr se
paañv meñ majnūñ ke to tāqat nahīñ ai kūdko
mausam-e-gul kī huā tum ko ubhāre shahr se
ik nazar lillāh ham ko sūrat-e-zebā dikhāo
tishna-e-dīdār jaate haiñ tumhāre shahr se
dasht-gardī kī nahīñ dīvāne ko kuchh ehtiyāj
jaama se bāhar jo hai bāhar hai saare shahr se
choT sī lagtī hai dil jangal se hotā hai uchāT
sañg-e-tiflāñ karte haiñ mujh ko ishāre shahr se
josh-e-vahshat se nahīñ pahuñchā maiñ sahrā tak hanūz
jaane vaale gor ke pahuñche kināre shahr se
mausam-e-gul aa.ī niyyat ser dīvānoñ kī ho
meva-e-sahrā.ī par haiñ muñh pasāre shahr se
ab to āzurda hai tū lekin malegā haath phir
jis ghaḌī 'ātish' nikal jāvegā pyāre shahr se
اے جنوں ہوتے ہیں صحرا پر اتارے شہر سے
فصل گل آئی کہ دیوانے سدھارے شہر سے
خوب روئے حال پر اپنے وطن کا سن کے حال
کوئی غربت میں جو آ نکلا ہمارے شہر سے
جان دوں گا میں اسیر اے دوستو چپکے رہو
ذکر کیا اس کا کہ دیوانہ سدھارے شہر سے
موسم گل میں رہا زنداں میں اور آئی نہ موت
سامنے ہوتی نہیں ہے آنکھ سارے شہر سے
جوش وحشت میں جو لی زنداں سے میں نے راہ دشت
کود کاں مجھ کو خدا حافظ پکارے شہر سے
پاؤں میں مجنوں کے تو طاقت نہیں اے کودکو
موسم گل کی ہوا تم کو ابھارے شہر سے
اک نظر للہ ہم کو صورت زیبا دکھاؤ
تشنۂ دیدار جاتے ہیں تمہارے شہر سے
دشت گردی کی نہیں دیوانہ کو کچھ احتیاج
جامہ سے باہر جو ہے باہر ہے سارے شہر سے
چوٹ سی لگتی ہے دل جنگل سے ہوتا ہے اچاٹ
سنگ طفلاں کرتے ہیں مجھ کو اشارے شہر سے
جوش وحشت سے نہیں پہنچا میں صحرا تک ہنوز
جانے والے گور کے پہنچے کنارے شہر سے
موسم گل آئی نیت سیر دیوانوں کی ہو
میوۂ صحرائی پر ہیں منہ پسارے شہر سے
اب تو آزردہ ہے تو لیکن ملے گا ہاتھ پھر
جس گھڑی آتشؔ نکل جاوے گا پیارے شہر سے