अगर कभी तिरे आज़ार से निकलता हूँ
तो अपने दाएरा-ए-कार से निकलता हूँ
हवा-ए-ताज़ा हूँ रुकना नहीं कहीं भी मुझे
घरों में घुसता हूँ अश्जार से निकलता हूँ
कभी है उस के मज़ाफ़ात में नुमूद मिरी
कभी मैं अपने ही आसार से निकलता हूँ
मैं घर में जब नहीं होता तो घास की सूरत
दरीचा ओ दर-ओ-दीवार से निकलता हूँ
इसी किनारा-ए-दरिया-ए-ज़ात पर हर-दम
ग़ुरूब होता हूँ उस पार से निकलता हूँ
विदाअ' करती है रोज़ाना ज़िंदगी मुझ को
मैं रोज़ मौत के मंजधार से निकलता हूँ
रुका हुआ कोई सैलाब हूँ तबीअ'त का
हमेशा तुंदी-ए-रफ़्तार से निकलता हूँ
इसे भी कुछ मिरी हिम्मत ही जानिए जो कभी
ख़याल-ओ-ख़्वाब के अम्बार से निकलता हूँ
लिबास बेचता हूँ जा के पहले अपना 'ज़फ़र'
तो कुछ ख़रीद के बाज़ार से निकलता हूँ
agar kabhī tire āzār se nikaltā huuñ
to apne dā.era-e-kār se nikaltā huuñ
havā-e-tāza huuñ ruknā nahīñ kahīñ bhī mujhe
gharoñ meñ ghustā huuñ ashjār se nikaltā huuñ
kabhī hai us ke mazāfāt meñ numūd mirī
kabhī maiñ apne hī āsār se nikaltā huuñ
maiñ ghar meñ jab nahīñ hotā to ghaas kī sūrat
darīcha o dar-o-dīvār se nikaltā huuñ
isī kināra-e-dariyā-e-zāt par har-dam
ġhurūb hotā huuñ us paar se nikaltā huuñ
vidā.a kartī hai rozāna zindagī mujh ko
maiñ roz maut ke mañjdhār se nikaltā huuñ
rukā huā koī sailāb huuñ tabī.at kā
hamesha tundi-e-raftār se nikaltā huuñ
ise bhī kuchh mirī himmat hī jāniye jo kabhī
ḳhayāl-o-ḳhvāb ke ambār se nikaltā huuñ
libās bechtā huuñ jā ke pahle apnā 'zafar'
to kuchh ḳharīd ke bāzār se nikaltā huuñ
اگر کبھی ترے آزار سے نکلتا ہوں
تو اپنے دائرۂ کار سے نکلتا ہوں
ہوائے تازہ ہوں رکنا نہیں کہیں بھی مجھے
گھروں میں گھستا ہوں اشجار سے نکلتا ہوں
کبھی ہے اس کے مضافات میں نمود مری
کبھی میں اپنے ہی آثار سے نکلتا ہوں
میں گھر میں جب نہیں ہوتا تو گھاس کی صورت
دریچہ و در و دیوار سے نکلتا ہوں
اسی کنارۂ دریائے ذات پر ہر دم
غروب ہوتا ہوں اس پار سے نکلتا ہوں
وداع کرتی ہے روزانہ زندگی مجھ کو
میں روز موت کے منجدھار سے نکلتا ہوں
رکا ہوا کوئی سیلاب ہوں طبیعت کا
ہمیشہ تندئ رفتار سے نکلتا ہوں
اسے بھی کچھ مری ہمت ہی جانیے جو کبھی
خیال و خواب کے انبار سے نکلتا ہوں
لباس بیچتا ہوں جا کے پہلے اپنا ظفرؔ
تو کچھ خرید کے بازار سے نکلتا ہوں