अभी तो करना पड़ेगा सफ़र दोबारा मुझे
अभी करें नहीं आराम का इशारा मुझे
लहू में आएगा तूफ़ान-ए-तुंद रात-ब-रात
करेगी मौज-ए-बला-ख़ेज़ पारा-पारा मुझे
बुझा नहीं मिरे अंदर का आफ़्ताब अभी
जला के ख़ाक करेगा यही शरारा मुझे
उतार फेंकता मैं भी ये तार-तार बदन
असीर-ए-ख़ाक हूँ करना पड़ा गुज़ारा मुझे
उड़े वो गर्द कि मैं चार-सू बिखर जाऊँ
ग़ुबार में नज़र आए न कोई चारा मुझे
मिरे हुदूद में है मेरे आस-पास की धुँद
रहा ये शहर तो इस का नहीं इजारा मुझे
सहर हुई तो बहुत देर तक दिखाई दिया
ग़ुरूब होती हुई रात का किनारा मुझे
मिरी फ़ज़ा में है तरतीब-ए-काएनात कुछ और
अजब नहीं जो तिरा चाँद है सितारा मुझे
न छू सकूँ जिसे क्या उस का देखना भी 'ज़फ़र'
भला लगा न कभी दूर का नज़ारा मुझे
abhī to karnā paḌegā safar dobāra mujhe
abhī kareñ nahīñ ārām kā ishāra mujhe
lahū meñ aa.egā tūfān-e-tund rāt-ba-rāt
karegī mauj-e-balā-ḳhez pāra-pāra mujhe
bujhā nahīñ mire andar kā āftāb abhī
jalā ke ḳhaak karegā yahī sharāra mujhe
utaar pheñktā maiñ bhī ye tār-tār badan
asīr-e-ḳhāk huuñ karnā paḌā guzāra mujhe
uḌe vo gard ki maiñ chār-sū bikhar jā.ūñ
ġhubār meñ nazar aa.e na koī chāra mujhe
mire hudūd meñ hai mere ās-pās kī dhund
rahā ye shahr to is kā nahīñ ijāra mujhe
sahar huī to bahut der tak dikhā.ī diyā
ġhurūb hotī huī raat kā kināra mujhe
mirī fazā meñ hai tartīb-e-kā.enāt kuchh aur
ajab nahīñ jo tirā chāñd hai sitāra mujhe
na chhū sakūñ jise kyā us kā dekhnā bhī 'zafar'
bhalā lagā na kabhī duur kā nazāra mujhe
ابھی تو کرنا پڑے گا سفر دوبارہ مجھے
ابھی کریں نہیں آرام کا اشارہ مجھے
لہو میں آئے گا طوفان تند رات بہ رات
کرے گی موج بلا خیز پارہ پارہ مجھے
بجھا نہیں مرے اندر کا آفتاب ابھی
جلا کے خاک کرے گا یہی شرارہ مجھے
اتار پھینکتا میں بھی یہ تار تار بدن
اسیر خاک ہوں کرنا پڑا گزارہ مجھے
اڑے وہ گرد کہ میں چار سو بکھر جاؤں
غبار میں نظر آئے نہ کوئی چارہ مجھے
مرے حدود میں ہے میرے آس پاس کی دھند
رہا یہ شہر تو اس کا نہیں اجارہ مجھے
سحر ہوئی تو بہت دیر تک دکھائی دیا
غروب ہوتی ہوئی رات کا کنارہ مجھے
مری فضا میں ہے ترتیب کائنات کچھ اور
عجب نہیں جو ترا چاند ہے ستارہ مجھے
نہ چھو سکوں جسے کیا اس کا دیکھنا بھی ظفرؔ
بھلا لگا نہ کبھی دور کا نظارہ مجھے