अभी क़ुबूल है मुझ को उदास हो जाना
अभी नसीब है क़दमों में उन के सो जाना
किसी किताब से कैसे कोई निकलता है
किसी किताब से टूटा गुलाब तो जाना
तिरी शबीह में देखा जहाँ में जो देखा
तिरी मिसाल से जाना जहाँ में जो जाना
ज़माना एक में तहलील कर रहा है मगर
हमेशा मैं ने सफ़ेद-ओ-सियह को दो जाना
ये किस के अश्क पड़े हैं ये क़ब्र किस की है
ये कौन रोक रहा है किसी का खो जाना
ये कितनी मर्तबा कितनों के साथ होता है
निकल कर एक सफ़र पर सफ़र का हो जाना
बला के शे'र थे 'आमिर' बला का शोर भी था
बला का शहर था जिस ने न आप को जाना
abhī qubūl hai mujh ko udaas ho jaanā
abhī nasīb hai qadmoñ meñ un ke so jaanā
kisī kitāb se kaise koī nikaltā hai
kisī kitāb se TuuTā gulāb to jaanā
tirī shabīh meñ dekhā jahāñ meñ jo dekhā
tirī misāl se jaanā jahāñ meñ jo jaanā
zamāna ek meñ tahlīl kar rahā hai magar
hamesha maiñ ne safed-o-siyah ko do jaanā
ye kis ke ashk paḌe haiñ ye qabr kis kī hai
ye kaun rok rahā hai kisī kā kho jaanā
ye kitnī martaba kitnoñ ke saath hotā hai
nikal kar ek safar par safar kā ho jaanā
balā ke she'r the 'āmir' balā kā shor bhī thā
balā kā shahr thā jis ne na aap ko jaanā
ابھی قبول ہے مجھ کو اداس ہو جانا
ابھی نصیب ہے قدموں میں ان کے سو جانا
کسی کتاب سے کیسے کوئی نکلتا ہے
کسی کتاب سے ٹوٹا گلاب تو جانا
تری شبیہ میں دیکھا جہاں میں جو دیکھا
تری مثال سے جانا جہاں میں جو جانا
زمانہ ایک میں تحلیل کر رہا ہے مگر
ہمیشہ میں نے سفید و سیہ کو دو جانا
یہ کس کے اشک پڑے ہیں یہ قبر کس کی ہے
یہ کون روک رہا ہے کسی کا کھو جانا
یہ کتنی مرتبہ کتنوں کے ساتھ ہوتا ہے
نکل کر ایک سفر پر سفر کا ہو جانا
بلا کے شعر تھے عامرؔ بلا کا شور بھی تھا
بلا کا شہر تھا جس نے نہ آپ کو جانا