अभी हमारी मोहब्बत किसी को क्या मालूम
किसी के दिल की हक़ीक़त किसी को क्या मालूम
यक़ीं तो ये है वो ख़त का जवाब लिक्खेंगे
मगर नविश्ता-ए-क़िस्मत किसी को क्या मालूम
ब-ज़ाहिर उन को हया-दार लोग समझे हैं
हया में जो है शरारत किसी को क्या मालूम
क़दम क़दम पे तुम्हारे हमारे दिल की तरह
बसी हुई है क़यामत किसी को क्या मालूम
ये रंज ओ ऐश हुए हिज्र ओ वस्ल में हम को
कहाँ है दोज़ख़ ओ जन्नत किसी को क्या मालूम
जो सख़्त बात सुने दिल तो टूट जाता है
इस आईने की नज़ाकत किसी को क्या मालूम
किया करें वो सुनाने को प्यार की बातें
उन्हें है मुझ से अदावत किसी को क्या मालूम
ख़ुदा करे न फँसे दाम-ए-इश्क़ में कोई
उठाई है जो मुसीबत किसी को क्या मालूम
अभी तो फ़ित्ने ही बरपा किए हैं आलम में
उठाएँगे वो क़यामत किसी को क्या मालूम
जनाब-ए-'दाग़' के मशरब को हम से तो पूछो
छुपे हुए हैं ये हज़रत किसी को क्या मालूम
abhī hamārī mohabbat kisī ko kyā ma.alūm
kisī ke dil kī haqīqat kisī ko kyā ma.alūm
yaqīñ to ye hai vo ḳhat kā javāb likkheñge
magar navishta-e-qismat kisī ko kyā ma.alūm
ba-zāhir un ko hayā-dār log samjhe haiñ
hayā meñ jo hai sharārat kisī ko kyā ma.alūm
qadam qadam pe tumhāre hamāre dil kī tarah
basī huī hai qayāmat kisī ko kyā ma.alūm
ye ranj o aish hue hijr o vasl meñ ham ko
kahāñ hai dozaḳh o jannat kisī ko kyā ma.alūm
jo saḳht baat sune dil to TuuT jaatā hai
is ā.īñe kī nazākat kisī ko kyā ma.alūm
kiyā kareñ vo sunāne ko pyaar kī bāteñ
unheñ hai mujh se adāvat kisī ko kyā ma.alūm
ḳhudā kare na phañse dām-e-ishq meñ koī
uThā.ī hai jo musībat kisī ko kyā ma.alūm
abhī to fitne hī barpā kiye haiñ aalam meñ
uThā.eñge vo qayāmat kisī ko kyā ma.alūm
janāb-e-'dāġh' ke mashrab ko ham se to pūchho
chhupe hue haiñ ye hazrat kisī ko kyā ma.alūm
ابھی ہماری محبت کسی کو کیا معلوم
کسی کے دل کی حقیقت کسی کو کیا معلوم
یقیں تو یہ ہے وہ خط کا جواب لکھیں گے
مگر نوشتۂ قسمت کسی کو کیا معلوم
بظاہر ان کو حیا دار لوگ سمجھے ہیں
حیا میں جو ہے شرارت کسی کو کیا معلوم
قدم قدم پہ تمہارے ہمارے دل کی طرح
بسی ہوئی ہے قیامت کسی کو کیا معلوم
یہ رنج و عیش ہوئے ہجر و وصل میں ہم کو
کہاں ہے دوزخ و جنت کسی کو کیا معلوم
جو سخت بات سنے دل تو ٹوٹ جاتا ہے
اس آئینے کی نزاکت کسی کو کیا معلوم
کیا کریں وہ سنانے کو پیار کی باتیں
انہیں ہے مجھ سے عداوت کسی کو کیا معلوم
خدا کرے نہ پھنسے دام عشق میں کوئی
اٹھائی ہے جو مصیبت کسی کو کیا معلوم
ابھی تو فتنے ہی برپا کئے ہیں عالم میں
اٹھائیں گے وہ قیامت کسی کو کیا معلوم
جناب داغؔ کے مشرب کو ہم سے تو پوچھو
چھپے ہوئے ہیں یہ حضرت کسی کو کیا معلوم