अब वो ये कह रहे हैं मिरी मान जाइए
अल्लाह तेरी शान के क़ुर्बान जाइए
बिगड़े हुए मिज़ाज को पहचान जाइए
सीधी तरह न मानिएगा मान जाइए
किस का है ख़ौफ़ रोकने वाला ही कौन है
हर रोज़ क्यूँ न जाइए मेहमान जाइए
महफ़िल में किस ने आप को दिल में छुपा लिया
इतनों में कौन चोर है पहचान जाइए
हैं तेवरी में बल तो निगाहें फिरी हुई
जाते हैं ऐसे आने से औसान जाइए
दो मुश्किलें हैं एक जताने में शौक़ के
पहले तो जान जाइए फिर मान जाइए
इंसान को है ख़ाना-ए-हस्ती में लुत्फ़ क्या
मेहमान आइए तो पशेमान जाइए
गो वादा-ए-विसाल हो झूटा मज़ा तो है
क्यूँ कर न ऐसे झूट के क़ुर्बान जाइए
रह जाए बा'द-ए-वस्ल भी चेटक लगी हुई
कुछ रखिए कुछ निकाल के अरमान जाइए
अच्छी कही कि ग़ैर के घर तक ज़रा चलो
मैं आप का नहीं हूँ निगहबान जाइए
आए हैं आप ग़ैर के घर से खड़े खड़े
ये और को जताइए एहसान, जाइए
दोनों से इम्तिहान-ए-वफ़ा पर ये कह दिया
मनवाइए रक़ीब को या मान जाइए
क्या बद-गुमानियाँ हैं उन्हें मुझ को हुक्म है
घर में ख़ुदा के भी तो न मेहमान जाइए
क्या फ़र्ज़ है कि सब मिरी बातें क़ुबूल हैं
सुन सुन के कुछ न मानिए कुछ मान जाइए
सौदाइयान-ए-ज़ुल्फ़ में कुछ तो लटक भी हो
जन्नत में जाइए तो परेशान जाइए
दिल को जो देख लो तो यही प्यार से कहो
क़ुर्बान जाइए तिरे क़ुर्बान जाइए
दिल को जो देख लो तो यही प्यार से कहो
क़ुर्बान जाइए तिरे क़ुर्बान जाइए
जाने न दूँगा आप को बे-फ़ैसला हुए
दिल के मुक़द्दमे को अभी छान जाइए
ये तो बजा कि आप को दुनिया से क्या ग़रज़
जाती है जिस की जान उसे जान जाइए
ग़ुस्से में हाथ से ये निशानी न गिर पड़े
दामन में ले के मेरा गरेबान जाइए
ये मुख़्तसर जवाब मिला अर्ज़-ए-वस्ल पर
दिल मानता नहीं कि तिरी मान जाइए
वो आज़मूदा-कार तो है गर वली नहीं
जो कुछ बताए 'दाग़' उसे मान जाइए
ab vo ye kah rahe haiñ mirī maan jā.iye
allāh terī shaan ke qurbān jā.iye
bigḌe hue mizāj ko pahchān jā.iye
sīdhī tarah na māniyegā maan jā.iye
kis kā hai ḳhauf rokne vaalā hī kaun hai
har roz kyuuñ na jā.iye mehmān jā.iye
mahfil meñ kis ne aap ko dil meñ chhupā liyā
itnoñ meñ kaun chor hai pahchān jā.iye
haiñ tevrī meñ bal to nigāheñ phirī huī
jaate haiñ aise aane se ausān jā.iye
do mushkileñ haiñ ek jatāne meñ shauq ke
pahle to jaan jā.iye phir maan jā.iye
insān ko hai ḳhāna-e-hastī meñ lutf kyā
mehmān aa.iye to pashemān jā.iye
go vāda-e-visāl ho jhūTā maza to hai
kyuuñ kar na aise jhuuT ke qurbān jā.iye
rah jaa.e bā'd-e-vasl bhī cheTak lagī huī
kuchh rakhiye kuchh nikāl ke armān jā.iye
achchhī kahī ki ġhair ke ghar tak zarā chalo
maiñ aap kā nahīñ huuñ nigahbān jā.iye
aa.e haiñ aap ġhair ke ghar se khaḌe khaḌe
ye aur ko jatā.iye ehsān, jā.iye
donoñ se imtihān-e-vafā par ye kah diyā
manvā.iye raqīb ko yā maan jā.iye
kyā bad-gumāniyāñ haiñ unheñ mujh ko hukm hai
ghar meñ ḳhudā ke bhī to na mehmān jā.iye
kyā farz hai ki sab mirī bāteñ qubūl haiñ
sun sun ke kuchh na māniye kuchh maan jā.iye
saudā.iyān-e-zulf meñ kuchh to laTak bhī ho
jannat meñ jā.iye to pareshān jā.iye
dil ko jo dekh lo to yahī pyaar se kaho
qurbān jā.iye tire qurbān jā.iye
dil ko jo dekh lo to yahī pyaar se kaho
qurbān jā.iye tire qurbān jā.iye
jaane na dūñgā aap ko be-faisla hue
dil ke muqaddame ko abhī chhān jā.iye
ye to bajā ki aap ko duniyā se kyā ġharaz
jaatī hai jis kī jaan use jaan jā.iye
ġhusse meñ haath se ye nishānī na gir paḌe
dāman meñ le ke merā garebān jā.iye
ye muḳhtasar javāb milā arz-e-vasl par
dil māntā nahīñ ki tirī maan jā.iye
vo āzmūda-kār to hai gar valī nahīñ
jo kuchh batā.e 'dāġh' use maan jā.iye
اب وہ یہ کہہ رہے ہیں مری مان جائیے
اللہ تیری شان کے قربان جائیے
بگڑے ہوئے مزاج کو پہچان جائیے
سیدھی طرح نہ مانئے گا مان جائیے
کس کا ہے خوف روکنے والا ہی کون ہے
ہر روز کیوں نہ جائیے مہمان جائیے
محفل میں کس نے آپ کو دل میں چھپا لیا
اتنوں میں کون چور ہے پہچان جائیے
ہیں تیوری میں بل تو نگاہیں پھری ہوئی
جاتے ہیں ایسے آنے سے اوسان جائیے
دو مشکلیں ہیں ایک جتانے میں شوق کے
پہلے تو جان جائیے پھر مان جائیے
انسان کو ہے خانۂ ہستی میں لطف کیا
مہمان آئیے تو پشیمان جائیے
گو وعدۂ وصال ہو جھوٹا مزہ تو ہے
کیوں کر نہ ایسے جھوٹ کے قربان جائیے
رہ جائے بعد وصل بھی چیٹک لگی ہوئی
کچھ رکھئے کچھ نکال کے ارمان جائیے
اچھی کہی کہ غیر کے گھر تک ذرا چلو
میں آپ کا نہیں ہوں نگہبان جائیے
آئے ہیں آپ غیر کے گھر سے کھڑے کھڑے
یہ اور کو جتایئے احسان، جائیے
دونوں سے امتحان وفا پر یہ کہہ دیا
منوائیے رقیب کو یا مان جائیے
کیا بدگمانیاں ہیں انہیں مجھ کو حکم ہے
گھر میں خدا کے بھی تو نہ مہمان جائیے
کیا فرض ہے کہ سب مری باتیں قبول ہیں
سن سن کے کچھ نہ مانئے کچھ مان جائیے
سودائیان زلف میں کچھ تو لٹک بھی ہو
جنت میں جائیے تو پریشان جائیے
دل کو جو دیکھ لو تو یہی پیار سے کہو
قربان جائیے ترے قربان جائیے
دل کو جو دیکھ لو تو یہی پیار سے کہو
قربان جائیے ترے قربان جائیے
جانے نہ دوں گا آپ کو بے فیصلہ ہوئے
دل کے مقدمے کو ابھی چھان جائیے
یہ تو بجا کہ آپ کو دنیا سے کیا غرض
جاتی ہے جس کی جان اسے جان جائیے
غصے میں ہاتھ سے یہ نشانی نہ گر پڑے
دامن میں لے کے میرا گریبان جائیے
یہ مختصر جواب ملا عرض وصل پر
دل مانتا نہیں کہ تری مان جائیے
وہ آزمودہ کار تو ہے گر ولی نہیں
جو کچھ بتائے داغؔ اسے مان جائیے