आसमानों से उतर कर रह गए
आदमी थे हम बिखर कर रह गए
टूट कर जब एक आईना गिरा
कितने ही चेहरे उतर कर रह गए
खेलने देगी न अब पागल हवा
ताश के पत्ते बिखर कर रह गए
धूप में दीवार नंगी हो गई
रंग थे कच्चे उतर कर रह गए
मैं वो नुक़्ता हूँ कि जिस को देख कर
दाएरे टूटे बिखर कर रह गए
दोपहर जब सब तमाज़त पी गई
शाम के मंज़र निखर कर रह गए
ज़ुल्मतों से ख़ौफ़ खाते थे कभी
रौशनी में आज डर कर रह गए
उन की क़स्में उन के वा'दे ऐ 'अली'
जैसे मौसम थे गुज़र कर रह गए
āsmānoñ se utar kar rah gaye
aadmī the ham bikhar kar rah gaye
TuuT kar jab ek ā.īna girā
kitne hī chehre utar kar rah gaye
khelne degī na ab pāgal havā
taash ke patte bikhar kar rah gaye
dhuup meñ dīvār nangī ho ga.ī
rang the kachche utar kar rah gaye
maiñ vo nuqta huuñ ki jis ko dekh kar
dā.ere TuuTe bikhar kar rah gaye
dopahar jab sab tamāzat pī ga.ī
shaam ke manzar nikhar kar rah gaye
zulmatoñ se ḳhauf khāte the kabhī
raushnī meñ aaj Dar kar rah gaye
un kī qasmeñ un ke vā'de ai 'alī'
jaise mausam the guzar kar rah gaye
آسمانوں سے اتر کر رہ گئے
آدمی تھے ہم بکھر کر رہ گئے
ٹوٹ کر جب ایک آئینہ گرا
کتنے ہی چہرے اتر کر رہ گئے
کھیلنے دے گی نہ اب پاگل ہوا
تاش کے پتے بکھر کر رہ گئے
دھوپ میں دیوار ننگی ہو گئی
رنگ تھے کچے اتر کر رہ گئے
میں وہ نقطہ ہوں کہ جس کو دیکھ کر
دائرے ٹوٹے بکھر کر رہ گئے
دوپہر جب سب تمازت پی گئی
شام کے منظر نکھر کر رہ گئے
ظلمتوں سے خوف کھاتے تھے کبھی
روشنی میں آج ڈر کر رہ گئے
ان کی قسمیں ان کے وعدے اے علیؔ
جیسے موسم تھے گزر کر رہ گئے