'आशिक़ थे मगर साहिब-ए-दस्तार रहे हैं
हम अपने क़बीले के भी सरदार रहे हैं
क़ीमत न बताओ हमें ख़ुशबू की कि हम लोग
हर क़िस्म के फूलों के ख़रीदार रहे हैं
मुद्दत हुई इक ख़्वाब भी देखा नहीं हम ने
'अर्सा हुआ हम सो के भी बेदार रहे हैं
हम अपनी कहानी के ही किरदार नहीं थे
हम तेरी कहानी के भी किरदार रहे हैं
तुझ से कभी माँगा न मोहब्बत का सिला तक
बस तेरी मोहब्बत के गुनहगार रहे हैं
हम सामने आ कर भी न आए सर-ए-मंज़र
दीवार के आगे पस-ए-दीवार रहे हैं
दुनिया का कोई राज़ न पा कर भी हमेशा
दुनिया की निगाहों में पुर-असरार रहे हैं
हम लोग ज़मानत पे रिहा हो नहीं सकते
हम लोग जो आँखों के गिरफ़्तार रहे हैं
दुनिया की नज़र में तो रहे काम के 'फ़ैसल'
बस तेरी नज़र में ही तो बे-कार रहे हैं
'āshiq the magar sāhib-e-dastār rahe haiñ
ham apne qabīle ke bhī sardār rahe haiñ
qīmat na batāo hameñ ḳhush-bū kī ki ham log
har qism ke phūloñ ke ḳharīdār rahe haiñ
muddat huī ik ḳhvāb bhī dekhā nahīñ ham ne
'arsa huā ham so ke bhī bedār rahe haiñ
ham apnī kahānī ke hī kirdār nahīñ the
ham terī kahānī ke bhī kirdār rahe haiñ
tujh se kabhī māñgā na mohabbat kā sila tak
bas terī mohabbat ke gunahgār rahe haiñ
ham sāmne aa kar bhī na aa.e sar-e-manzar
dīvār ke aage pas-e-dīvār rahe haiñ
duniyā kā koī raaz na pā kar bhī hamesha
duniyā kī nigāhoñ meñ pur-asrār rahe haiñ
ham log zamānat pe rihā ho nahīñ sakte
ham log jo āñkhoñ ke giraftār rahe haiñ
duniyā kī nazar meñ to rahe kaam ke 'faisal'
bas terī nazar meñ hī to be-kār rahe haiñ
عاشق تھے مگر صاحب دستار رہے ہیں
ہم اپنے قبیلے کے بھی سردار رہے ہیں
قیمت نہ بتاؤ ہمیں خوشبو کی کہ ہم لوگ
ہر قسم کے پھولوں کے خریدار رہے ہیں
مدت ہوئی اک خواب بھی دیکھا نہیں ہم نے
عرصہ ہوا ہم سو کے بھی بیدار رہے ہیں
ہم اپنی کہانی کے ہی کردار نہیں تھے
ہم تیری کہانی کے بھی کردار رہے ہیں
تجھ سے کبھی مانگا نہ محبت کا صلہ تک
بس تیری محبت کے گنہ گار رہے ہیں
ہم سامنے آ کر بھی نہ آئے سر منظر
دیوار کے آگے پس دیوار رہے ہیں
دنیا کا کوئی راز نہ پا کر بھی ہمیشہ
دنیا کی نگاہوں میں پر اسرار رہے ہیں
ہم لوگ ضمانت پہ رہا ہو نہیں سکتے
ہم لوگ جو آنکھوں کے گرفتار رہے ہیں
دنیا کی نظر میں تو رہے کام کے فیصلؔ
بس تیری نظر میں ہی تو بیکار رہے ہیں