ज़िंदगी में उस को कैफ़-ए-ज़िंदगी हासिल नहीं
जिस का दिल राज़-ओ-नियाज़-ए-इश्क़ के क़ाबिल नहीं
हुस्न के पर्दे में हो सकता नहीं हरगिज़ क़रार
रोज़-ए-अव्वल से ये लैला ख़ूगर-ए-महमिल नहीं
क़द्र कर दिल की कि दरगाह-ए-ख़ुदा में ऐ नदीम
दो-जहाँ की ने'मतें हाज़िर हैं लेकिन दिल नहीं
होशियार ऐ मस्त-ओ-मदहोश-ए-जवानी होशियार
'इश्क़ वो दरिया है जो मिन्नत-कश-ए-साहिल नहीं
ज़ब्त-ए-नाला ज़ब्त-ए-गिर्या ज़ब्त-ए-उल्फ़त ज़ब्त-ए-शौक़
किस तरह कह दूँ कि ये आसानियाँ मुश्किल नहीं
अपना रस्ता अपनी धुन अपना तसव्वुर अपना शौक़
कोई भी रहबर यहाँ बेगाना-ए-मंज़िल नहीं
है तसव्वुर इशरत-ए-माज़ी का आईना-ब-दस्त
दिल वही दिल है मगर वो गर्मी-ए-महफ़िल नहीं
देर क्या है आ मिरे दिल में समा जा बर्क़-ए-नाज़
शिकवा-संजी फ़ितरत-ए-एहसान में दाख़िल नहीं
इल्तिमास-ए-शौक़ पर 'एहसान' महशर ढह गया
उन का शरमा कर ये कहना मैं तिरे क़ाबिल नहीं
zindagī meñ us ko kaif-e-zindagī hāsil nahīñ
jis kā dil rāz-o-niyāz-e-ishq ke qābil nahīñ
husn ke parde meñ ho saktā nahīñ hargiz qarār
roz-e-avval se ye lailā ḳhūgar-e-mahmil nahīñ
qadr kar dil kī ki dargāh-e-ḳhudā meñ ai nadīm
do-jahāñ kī ne'mateñ hāzir haiñ lekin dil nahīñ
hoshiyār ai mast-o-madhosh-e-javānī hoshiyār
'ishq vo dariyā hai jo minnat-kash-e-sāhil nahīñ
zabt-e-nāla zabt-e-girya zabt-e-ulfat zabt-e-shauq
kis tarah kah duuñ ki ye āsāniyāñ mushkil nahīñ
apnā rasta apnī dhun apnā tasavvur apnā shauq
koī bhī rahbar yahāñ begāna-e-manzil nahīñ
hai tasavvur ishrat-e-māzī kā ā.īna-ba-dast
dil vahī dil hai magar vo garmī-e-mahfil nahīñ
der kyā hai aa mire dil meñ samā jā barq-e-nāz
shikva-sanjī fitrat-e-ehsān meñ dāḳhil nahīñ
iltimās-e-shauq par 'ehsān' mahshar Dhah gayā
un kā sharmā kar ye kahnā maiñ tire qābil nahīñ
زندگی میں اس کو کیف زندگی حاصل نہیں
جس کا دل راز و نیاز عشق کے قابل نہیں
حسن کے پردے میں ہو سکتا نہیں ہرگز قرار
روز اول سے یہ لیلیٰ خوگر محمل نہیں
قدر کر دل کی کہ درگاہ خدا میں اے ندیم
دو جہاں کی نعمتیں حاضر ہیں لیکن دل نہیں
ہوشیار اے مست و مدہوش جوانی ہوشیار
عشق وہ دریا ہے جو منت کش ساحل نہیں
ضبط نالہ ضبط گریہ ضبط الفت ضبط شوق
کس طرح کہہ دوں کہ یہ آسانیاں مشکل نہیں
اپنا رستہ اپنی دھن اپنا تصور اپنا شوق
کوئی بھی رہبر یہاں بیگانۂ منزل نہیں
ہے تصور عشرت ماضی کا آئینہ بدست
دل وہی دل ہے مگر وہ گرمئ محفل نہیں
دیر کیا ہے آ مرے دل میں سما جا برق ناز
شکوہ سنجی فطرت احسان میں داخل نہیں
التماس شوق پر احسانؔ محشر ڈھ گیا
ان کا شرما کر یہ کہنا میں ترے قابل نہیں