अपने बे-नूर चराग़ों को ज़िया दी जाए
न कि हमसाए की क़िंदील बुझा दी जाए
सुब्ह-ए-काज़िब है कोई मिल के सदा दी जाए
ये सियह धूप की दीवार गिरा दी जाए
नग़्मा-ओ-नय से उभारें कोई तस्वीर-जुनूँ
जिस में शो'लों की लपक हो वो सदा दी जाए
राज़-ए-ग़म मज्लिस-ए-अहबाब की तफ़रीह नहीं
आइना-ख़ाने में क्यों शम' जला दी जाए
रास्ते क़ाफ़िले वालों की नज़र में हैं तमाम
धूल से लाख बगूलों को हवा दी जाए
शुक्रिया तू मिरी फ़ितरत है मगर साए तो हों
दश्त से धूप की जाजिम तो उठा दी जाए
जिस का मुद्दत से है शीशे के मकानों में रिवाज
हम पे उस 'इश्क़ की तोहमत न लगा दी जाए
यूँ भी होता है कहीं जौर-ए-बहाराँ का 'इलाज
फूल की शक्ल भी काँटे से मिला दी जाए
जिन के अश'आर से हो गर्म जवानों का लहू
क्यों मुसलसल उन्हें फ़ाक़ों की सज़ा दी जाए
दार-ओ-ज़िन्दाँ का तो इक शोर बपा है लेकिन
कोई जीने की तो तदबीर बता दी जाए
हर उफ़ुक़ से मिरी आवाज़ पलट आती है
किस दरीचे से उन्हें जा के सदा दी जाए
एक अफ़्साना है हाथों से गरेबानों तक
बात बहरों को सुना कर न गँवा दी जाए
इक मुसव्विर ने जो सौंपी थी अमानत की तरह
बा'ज़ कहते हैं वो तस्वीर मिटा दी जाए
जिन को बे-वक़्त मुरा'आत ने बख़्शा है जुनूँ
उन पे कुछ क़ैद-ए-शराफ़त भी लगा दी जाए
इन्क़िलाबात हैं ख़ुद अपने उसूलों का जवाज़
अब के आईन में ये शिक़ भी बढ़ा दी जाए
जिस की तहज़ीब मुसलमाँ से सँभाली न गई
फिर उसी कू-ए-तजल्ली में सदा दी जाए
क़ब्र के चौखटे ख़ाली हैं उन्हें मत भूलो
जाने कब कौन सी तस्वीर लगा दी जाए
फ़र्ज़ है उस पे मोहम्मद की ग़ुलामी 'दानिश'
जिस की तहवील में मख़्लूक़-ए-ख़ुदा दी जाए
apne be-nūr charāġhoñ ko ziyā dī jaa.e
na ki hamsā.e kī qindīl bujhā dī jaa.e
sub.h-e-kāzib hai koī mil ke sadā dī jaa.e
ye siyah dhuup kī dīvār girā dī jaa.e
naġhma-o-nai se ubhāreñ koī tasvīr-e-junūñ
jis meñ sho'loñ kī lapak ho vo sadā dī jaa.e
rāz-e-ġham majlis-e-ahbāb kī tafrīh nahīñ
ā.ina-ḳhāne meñ kyoñ sham' jalā dī jaa.e
rāste qāfile vāloñ kī nazar meñ haiñ tamām
dhuul se laakh bagūloñ ko havā dī jaa.e
shukriya tū mirī fitrat hai magar saa.e to hoñ
dasht se dhuup kī jājim to uThā dī jaa.e
jis kā muddat se hai shīshe ke makānoñ meñ rivāj
ham pe us 'ishq kī tohmat na lagā dī jaa.e
yuuñ bhī hotā hai kahīñ jaur-e-bahārāñ kā 'ilāj
phuul kī shakl bhī kāñTe se milā dī jaa.e
jin ke ash'ār se ho garm javānoñ kā lahū
kyoñ musalsal unheñ fāqoñ kī sazā dī jaa.e
dār-o-zindāñ kā to ik shor bapā hai lekin
koī jiine kī to tadbīr batā dī jaa.e
har ufuq se mirī āvāz palaT aatī hai
kis darīche se unheñ jā ke sadā dī jaa.e
ek afsāna hai hāthoñ se garebānoñ tak
baat bahroñ ko sunā kar na gañvā dī jaa.e
ik musavvir ne jo sauñpī thī amānat kī tarah
baa'z kahte haiñ vo tasvīr miTā dī jaa.e
jin ko be-vaqt murā'āt ne baḳhshā hai junūñ
un pe kuchh qaid-e-sharāfat bhī lagā dī jaa.e
inqilābāt haiñ ḳhud apne usūloñ kā javāz
ab ke aa.iin meñ ye shiq bhī baḌhā dī jaa.e
jis kī tahzīb musalmāñ se sañbhālī na ga.ī
phir usī kū-e-tajallī meñ sadā dī jaa.e
qabr ke chaukhTe ḳhālī haiñ unheñ mat bhūlo
jaane kab kaun sī tasvīr lagā dī jaa.e
farz hai us pe mohammad kī ġhulāmī 'dānish'
jis kī tahvīl meñ maḳhlūq-e-ḳhudā dī jaa.e
اپنے بے نور چراغوں کو ضیا دی جائے
نہ کہ ہمسائے کی قندیل بجھا دی جائے
صبح کاذب ہے کوئی مل کے صدا دی جائے
یہ سیہ دھوپ کی دیوار گرا دی جائے
نغمہ و نے سے ابھاریں کوئی تصویر جنوں
جس میں شعلوں کی لپک ہو وہ صدا دی جائے
راز غم مجلس احباب کی تفریح نہیں
آئنہ خانے میں کیوں شمع جلا دی جائے
راستے قافلے والوں کی نظر میں ہیں تمام
دھول سے لاکھ بگولوں کو ہوا دی جائے
شکریہ تو مری فطرت ہے مگر سائے تو ہوں
دشت سے دھوپ کی جاجم تو اٹھا دی جائے
جس کا مدت سے ہے شیشے کے مکانوں میں رواج
ہم پہ اس عشق کی تہمت نہ لگا دی جائے
یوں بھی ہوتا ہے کہیں جور بہاراں کا علاج
پھول کی شکل بھی کانٹے سے ملا دی جائے
جن کے اشعار سے ہو گرم جوانوں کا لہو
کیوں مسلسل انہیں فاقوں کی سزا دی جائے
دار و زنداں کا تو اک شور بپا ہے لیکن
کوئی جینے کی تو تدبیر بتا دی جائے
ہر افق سے مری آواز پلٹ آتی ہے
کس دریچے سے انہیں جا کے صدا دی جائے
ایک افسانہ ہے ہاتھوں سے گریبانوں تک
بات بہروں کو سنا کر نہ گنوا دی جائے
اک مصور نے جو سونپی تھی امانت کی طرح
بعض کہتے ہیں وہ تصویر مٹا دی جائے
جن کو بے وقت مراعات نے بخشا ہے جنوں
ان پہ کچھ قید شرافت بھی لگا دی جائے
انقلابات ہیں خود اپنے اصولوں کا جواز
اب کے آئین میں یہ شق بھی بڑھا دی جائے
جس کی تہذیب مسلماں سے سنبھالی نہ گئی
پھر اسی کوئے تجلی میں صدا دی جائے
قبر کے چوکھٹے خالی ہیں انہیں مت بھولو
جانے کب کون سی تصویر لگا دی جائے
فرض ہے اس پہ محمد کی غلامی دانشؔ
جس کی تحویل میں مخلوق خدا دی جائے