आँख में आँसू हैं एहसास-ए-मसर्रत दिल में है
एक फ़िरदौस-ए-नज़ारा आप की महफ़िल में है
हर जफ़ा तेरी मुनासिब हर सितम तेरा दुरुस्त
अब वही मेरी तमन्ना है जो तेरे दिल में है
जब ब-जुज़ महबूब हो जाती है ओझल काएनात
इक मक़ाम ऐसा भी जज़्ब-ए-शौक़ की मंज़िल में है
फ़स्ल-ए-गुल में बे-तहाशा हँसने वालो होशियार
इज़्तिराब-ए-दिल का पहलू भी सुकून-ए-दिल में है
जिस को दूरी से हुज़ूरी में सिवा हो इज़्तिराब
वो परेशान-ए-मोहब्बत किस क़दर मुश्किल में है
दहर के हंगामा-ए-शैख़-ओ-बरहमन से बुलंद
और भी हंगामा इक गिर्दाब-ए-नूह-ए-दिल में है
अब कोई शायान-ए-जल्वा है न शायान-ए-कलाम
तू उसी मंज़िल में बेहतर है कि जिस मंज़िल में है
ना-सज़ा है इस के जल्वों की नज़ाकत के लिए
वो ग़म-ए-हासिल जो तेरे इश्क़ के हासिल में है
मैं तो ख़ुद उठने को हूँ बदलो न अंदाज़-ए-नज़र
तुम जो कहते हिचकिचाते हो वो मेरे दिल में है
अपने मरकज़ से सितारों पर जो करता हूँ नज़र
जिस को जिस मंज़िल में छोड़ा था उसी मंज़िल में है
मोम कर देती है जो फ़ौलाद-ओ-आहन का जिगर
वो भी इक झंकार आवाज़-ए-शिकस्त-ए-दिल में है
कौन है 'एहसान' मेरी ज़िंदगी का राज़दार
क्या कहूँ किस तरह मरने की तमन्ना दिल में है
aañkh meñ aañsū haiñ ehsās-e-masarrat dil meñ hai
ek firdaus-e-nazāra aap kī mahfil meñ hai
har jafā terī munāsib har sitam terā durust
ab vahī merī tamannā hai jo tere dil meñ hai
jab ba-juz mahbūb ho jaatī hai ojhal kā.enāt
ik maqām aisā bhī jazb-e-shauq kī manzil meñ hai
fasl-e-gul meñ be-tahāshā hañsne vaalo hoshiyār
iztirāb-e-dil kā pahlū bhī sukūn-e-dil meñ hai
jis ko duurī se huzūrī meñ sivā ho iztirāb
vo pareshān-e-mohabbat kis qadar mushkil meñ hai
dahr ke hañgāma-e-shaiḳh-o-barahman se buland
aur bhī hañgāma ik girdāb-e-nūh-e-dil meñ hai
ab koī shāyān-e-jalva hai na shāyān-e-kalām
tū usī manzil meñ behtar hai ki jis manzil meñ hai
nā-sazā hai is ke jalvoñ kī nazākat ke liye
vo ġham-e-hāsil jo tere ishq ke hāsil meñ hai
maiñ to ḳhud uThne ko huuñ badlo na andāz-e-nazar
tum jo kahte hichkichāte ho vo mere dil meñ hai
apne markaz se sitāroñ par jo kartā huuñ nazar
jis ko jis manzil meñ chhoḌā thā usī manzil meñ hai
mom kar detī hai jo faulād-o-āhan kā jigar
vo bhī ik jhankār āvāz-e-shikast-e-dil meñ hai
kaun hai 'ehsān' merī zindagī kā rāzdār
kyā kahūñ kis tarah marne kī tamannā dil meñ hai
آنکھ میں آنسو ہیں احساس مسرت دل میں ہے
ایک فردوس نظارہ آپ کی محفل میں ہے
ہر جفا تیری مناسب ہر ستم تیرا درست
اب وہی میری تمنا ہے جو تیرے دل میں ہے
جب بجز محبوب ہو جاتی ہے اوجھل کائنات
اک مقام ایسا بھی جذب شوق کی منزل میں ہے
فصل گل میں بے تحاشا ہنسنے والو ہوشیار
اضطراب دل کا پہلو بھی سکون دل میں ہے
جس کو دوری سے حضوری میں سوا ہو اضطراب
وہ پریشان محبت کس قدر مشکل میں ہے
دہر کے ہنگامۂ شیخ و برہمن سے بلند
اور بھی ہنگامہ اک گرداب نوح دل میں ہے
اب کوئی شایان جلوہ ہے نہ شایان کلام
تو اسی منزل میں بہتر ہے کہ جس منزل میں ہے
ناسزا ہے اس کے جلووں کی نزاکت کے لئے
وہ غم حاصل جو تیرے عشق کے حاصل میں ہے
میں تو خود اٹھنے کو ہوں بدلو نہ انداز نظر
تم جو کہتے ہچکچاتے ہو وہ میرے دل میں ہے
اپنے مرکز سے ستاروں پر جو کرتا ہوں نظر
جس کو جس منزل میں چھوڑا تھا اسی منزل میں ہے
موم کر دیتی ہے جو فولاد و آہن کا جگر
وہ بھی اک جھنکار آواز شکست دل میں ہے
کون ہے احسانؔ میری زندگی کا رازدار
کیا کہوں کس طرح مرنے کی تمنا دل میں ہے