ज़िंदगी माइल-ए-फ़रियाद-ओ-फ़ुग़ाँ आज भी है
कल भी था सीने पे इक संग-ए-गिराँ आज भी है
दिल-ए-अफ़सुर्दा को पहलू में लिए बैठे हैं
बज़्म में मजमा-ए-ख़स्ता-जिगराँ आज भी है
तल्ख़ी-ए-कोह-कनी कल भी मिरा हिस्सा था
जाम-ए-शीरीं ब-नसीब-ए-दिगराँ आज भी है
ज़ख़्म-ए-दिल के नहीं आसार ब-ज़ाहिर लेकिन
चारा-गर से गला-ए-दर्द-ए-निहाँ आज भी है
आज भी गर्म है बाज़ार जफ़ा-कारों का
कल भी आरास्ता थी उन की दुकाँ आज भी है
गोशा-ए-अम्न नहीं आज भी बुलबुल को नसीब
चश्म-ए-सय्याद बहर-सू निगराँ आज भी है
आज भी ज़ख़्म-ए-रग-ए-गुल से टपकता है लहू
ख़ूँ में डूबी हुई काँटों की ज़बाँ आज भी है
ज़िंदगी चौंक के बेदार हुई है लेकिन
चश्म-ओ-दिल पर असर-ए-ख़्वाब-ए-गिराँ आज भी है
इस तरफ़ जिंस-ए-वफ़ा की वही अर्ज़ानी है
उस तरफ़ इक निगह-ए-लुत्फ़-ए-गिराँ आज भी है
हैफ़ क्यूँ क़िस्मत-ए-शाएर पे न आए 'आजिज़'
कल भी कम-बख़्त रहा मर्सियाँ-ख़्वाँ आज भी है
zindagī mā.il-e-fariyād-o-fuġhāñ aaj bhī hai
kal bhī thā siine pe ik sang-e-girāñ aaj bhī hai
dil-e-afsurda ko pahlū meñ liye baiThe haiñ
bazm meñ majma.a-e-ḳhasta-jigarāñ aaj bhī hai
talḳhī-e-koh-kanī kal bhī mirā hissa thā
jām-e-shīrīñ ba-nasīb-e-digarāñ aaj bhī hai
zaḳhm-e-dil ke nahīñ āsār ba-zāhir lekin
chāra-gar se gila-e-dard-e-nihāñ aaj bhī hai
aaj bhī garm hai bāzār jafā-kāroñ kā
kal bhī ārāsta thī un kī dukāñ aaj bhī hai
gosha-e-amn nahīñ aaj bhī bulbul ko nasīb
chashm-e-sayyād bahar-sū nigarāñ aaj bhī hai
aaj bhī zaḳhm-e-rag-e-gul se Tapaktā hai lahū
ḳhuuñ meñ Duubī huī kāñToñ kī zabāñ aaj bhī hai
zindagī chauñk ke bedār huī hai lekin
chashm-o-dil par asar-e-ḳhvāb-e-girāñ aaj bhī hai
is taraf jins-e-vafā kī vahī arzānī hai
us taraf ik nigah-e-lutf-e-girāñ aaj bhī hai
haif kyuuñ qismat-e-shā.er pe na aa.e 'ājiz'
kal bhī kam-baḳht rahā marsiyāñ-ḳhvāñ aaj bhī hai
زندگی مائل فریاد و فغاں آج بھی ہے
کل بھی تھا سینے پہ اک سنگ گراں آج بھی ہے
دل افسردہ کو پہلو میں لئے بیٹھے ہیں
بزم میں مجمع خستہ جگراں آج بھی ہے
تلخیٔ کوہ کنی کل بھی مرا حصہ تھا
جام شیریں بہ نصیب دگراں آج بھی ہے
زخم دل کے نہیں آثار بظاہر لیکن
چارہ گر سے گلۂ درد نہاں آج بھی ہے
آج بھی گرم ہے بازار جفا کاروں کا
کل بھی آراستہ تھی ان کی دکاں آج بھی ہے
گوشۂ امن نہیں آج بھی بلبل کو نصیب
چشم صیاد بہر سو نگراں آج بھی ہے
آج بھی زخم رگ گل سے ٹپکتا ہے لہو
خوں میں ڈوبی ہوئی کانٹوں کی زباں آج بھی ہے
زندگی چونک کے بیدار ہوئی ہے لیکن
چشم و دل پر اثر خواب گراں آج بھی ہے
اس طرف جنس وفا کی وہی ارزانی ہے
اس طرف اک نگہ لطف گراں آج بھی ہے
حیف کیوں قسمت شاعر پہ نہ آئے عاجزؔ
کل بھی کمبخت رہا مرثیہ خواں آج بھی ہے