बयाँ जब 'कलीम' अपनी हालत करे है
ग़ज़ल क्या पढ़े है क़यामत करे है
भला आदमी था प नादान निकला
सुना है किसी से मोहब्बत करे है
कभी शा'इरी इस को करनी न आती
उसी बेवफ़ा की बदौलत करे है
छुरी पर छुरी खाए जाए है कब से
और अब तक जिए है करामत करे है
करे है 'अदावत भी वो इस अदा से
लगे है कि जैसे मोहब्बत करे है
ये फ़ित्ने जो हर इक तरफ़ उठ रहे हैं
वही बैठा बैठा शरारत करे है
क़बा एक दिन चाक उस की भी होगी
जुनूँ कब किसी की रि'आयत करे है
bayāñ jab 'kalīm' apnī hālat kare hai
ġhazal kyā paḌhe hai qayāmat kare hai
bhalā aadmī thā pa nādān niklā
sunā hai kisī se mohabbat kare hai
kabhī shā'irī is ko karnī na aatī
usī bevafā kī badaulat kare hai
chhurī par chhurī khaa.e jaa.e hai kab se
aur ab tak jiye hai karāmat kare hai
kare hai 'adāvat bhī vo is adā se
lage hai ki jaise mohabbat kare hai
ye fitne jo har ik taraf uTh rahe haiñ
vahī baiThā baiThā sharārat kare hai
qabā ek din chaak us kī bhī hogī
junūñ kab kisī kī ri'āyat kare hai
بیاں جب کلیمؔ اپنی حالت کرے ہے
غزل کیا پڑھے ہے قیامت کرے ہے
بھلا آدمی تھا پہ نادان نکلا
سنا ہے کسی سے محبت کرے ہے
کبھی شاعری اس کو کرنی نہ آتی
اسی بے وفا کی بدولت کرے ہے
چھری پر چھری کھائے جائے ہے کب سے
اور اب تک جئے ہے کرامت کرے ہے
کرے ہے عداوت بھی وہ اس ادا سے
لگے ہے کہ جیسے محبت کرے ہے
یہ فتنے جو ہر اک طرف اٹھ رہے ہیں
وہی بیٹھا بیٹھا شرارت کرے ہے
قبا ایک دن چاک اس کی بھی ہوگی
جنوں کب کسی کی رعایت کرے ہے