बदली सी अपनी आँखों में छाई हुई सी है
भूली हुई सी याद फिर आई हुई सी है
मत हाथ रख सुलगते कलेजे पे हम-नशीं
ये आग देखने में बुझाई हुई सी है
लेता हूँ साँस भी तो भटकता है तन-बदन
रग रग में एक नोक समाई हुई सी है
बे-साख़्ता कहे है जो देखे है ज़ख़्म-ए-दिल
ये चोट तो उन्हीं की लगाई हुई सी है
मुद्दत हुई जलाई गई शाख़-ए-आशियाँ
अब तक इसी तरह से जलाई हुई सी है
जो इन की बात है वही मेरी ग़ज़ल की बात
लेकिन ज़रा ये बात बनाई हुई सी है
छेड़ी ग़ज़ल जो तुम ने तो ऐसा लगा 'कलीम'
ख़ुशबू किसी की ज़ुल्फ़ की आई हुई सी है
badlī sī apnī ā.ankhoñ meñ chhā.ī huī sī hai
bhūlī huī sī yaad phir aa.ī huī sī hai
mat haath rakh sulagte kaleje pe ham-nashīñ
ye aag dekhne meñ bujhā.ī huī sī hai
letā huuñ saañs bhī to bhaTaktā hai tan-badan
rag rag meñ ek nok samā.ī huī sī hai
be-sāḳhta kahe hai jo dekhe hai zaḳhm-e-dil
ye choT to unhīñ kī lagā.ī huī sī hai
muddat huī jalā.ī ga.ī shāḳh-e-āshiyāñ
ab tak isī tarah se jalā.ī huī sī hai
jo in kī baat hai vahī merī ġhazal kī baat
lekin zarā ye baat banā.ī huī sī hai
chheḌī ġhazal jo tum ne to aisā lagā 'kalīm'
ḳhushbū kisī kī zulf kī aa.ī huī sī hai
بدلی سی اپنی آنکھوں میں چھائی ہوئی سی ہے
بھولی ہوئی سی یاد پھر آئی ہوئی سی ہے
مت ہاتھ رکھ سلگتے کلیجے پہ ہم نشیں
یہ آگ دیکھنے میں بجھائی ہوئی سی ہے
لیتا ہوں سانس بھی تو بھٹکتا ہے تن بدن
رگ رگ میں ایک نوک سمائی ہوئی سی ہے
بے ساختہ کہے ہے جو دیکھے ہے زخم دل
یہ چوٹ تو انہیں کی لگائی ہوئی سی ہے
مدت ہوئی جلائی گئی شاخ آشیاں
اب تک اسی طرح سے جلائی ہوئی سی ہے
جو ان کی بات ہے وہی میری غزل کی بات
لیکن ذرا یہ بات بنائی ہوئی سی ہے
چھیڑی غزل جو تم نے تو ایسا لگا کلیمؔ
خوشبو کسی کی زلف کی آئی ہوئی سی ہے