ज़िंदगी भर दौड़ता है बैठ जा
ग़म कहाँ कब बोलता है बैठ जा
पहली बारिश देख कर बरसात की
जाने क्या तू सोचता है बैठ जा
इस क़दर ले कर चला बार-ए-हयात
रास्ता ही बोलता है बैठ जा
पावँ खींचा है तिरा अहबाब ने
क्यों सहारा ढूँढता है बैठ जा
तश्त में लाशें सजी हैं ख़ून है
ये सियासी नाश्ता है बैठ जा
झूट की दुनिया में सब उलझे हैं तू
बात सच्ची बोलता है बैठ जा
इक दिए ने जल के तूफ़ाँ से कहा
मुझ से डर कर काँपता है बैठ जा
नन्हे बच्चे को तिलावत से न रोक
कान में रस घोलता है बैठ जा
देख 'असअद' अजनबी इक शख़्स से
रिश्ता-ए-जाँ जोड़ता है बैठ जा
zindagī bhar dauḌtā hai baiTh jā
ġham kahāñ kab boltā hai baiTh jā
pahlī bārish dekh kar barsāt kī
jaane kyā tū sochtā hai baiTh jā
is qadar le kar chalā bār-e-hayāt
rāsta hī boltā hai baiTh jā
paaoñ khīñchā hai tirā ahbāb ne
kyoñ sahārā DhūñDhtā hai baiTh jā
tasht meñ lāsheñ sajī haiñ ḳhuun hai
ye siyāsī nāshta hai baiTh jā
jhuuT kī duniyā meñ sab uljhe haiñ tū
baat sachchī boltā hai baiTh jā
ik diye ne jal ke tūfāñ se kahā
mujh se Dar kar kāñptā hai baiTh jā
nanhe bachche ko tilāvat se na rok
kaan meñ ras gholtā hai baiTh jā
dekh 'as.ad' ajnabī ik shaḳhs se
rishta-e-jāñ joḌtā hai baiTh jā
زندگی بھر دوڑتا ہے بیٹھ جا
غم کہاں کب بولتا ہے بیٹھ جا
پہلی بارش دیکھ کر برسات کی
جانے کیا تو سوچتا ہے بیٹھ جا
اس قدر لے کر چلا بار حیات
راستہ ہی بولتا ہے بیٹھ جا
پاؤں کھینچا ہے ترا احباب نے
کیوں سہارا ڈھونڈھتا ہے بیٹھ جا
طشت میں لاشیں سجی ہیں خون ہے
یہ سیاسی ناشتہ ہے بیٹھ جا
جھوٹ کی دنیا میں سب الجھے ہیں تو
بات سچی بولتا ہے بیٹھ جا
اک دیے نے جل کے طوفاں سے کہا
مجھ سے ڈر کر کانپتا ہے بیٹھ جا
ننھے بچے کو تلاوت سے نہ روک
کان میں رس گھولتا ہے بیٹھ جا
دیکھ اسعدؔ اجنبی اک شخص سے
رشتۂ جاں جوڑتا ہے بیٹھ جا