ज़िंदगानी जब हमें रास आएगी
देख लेना मौत भी आ जाएगी
वो नज़र जब भी करम फ़रमाएगी
लाज़िमन दुनिया हमें अपनाएगी
मेरे घर से शाम-ए-ग़म कब जाएगी
आज जाएगी तो कल फिर आएगी
कौन ज़िंदा रह सकेगा बिन तिरे
किस से ये तोहमत उठाई जाएगी
कौन जाने क्या हो फिर तौबा का हश्र
मय-कदे पर जब घटा घिर आएगी
एक दिन हम ख़ाक में मिल जाएँगे
हर हक़ीक़त दास्ताँ बन जाएगी
क्या करूँ उन की नसीहत का गिला
दोस्तों से और क्या बन आएगी
मैं न कहता था न पूछें मेरा हाल
आप को सुन कर हँसी आ जाएगी
गर्दिश-ए-दौराँ को समझा दीजिए
हम से उलझेगी तो मुँह की खाएगी
वो मिटाने को हैं ऐ 'आसी' हमें
ये ख़लिश भी एक दिन मिट जाएगी
zindagānī jab hameñ raas aa.egī
dekh lenā maut bhī aa jā.egī
vo nazar jab bhī karam farmā.egī
lāziman duniyā hameñ apnā.egī
mere ghar se shām-e-ġham kab jā.egī
aaj jā.egī to kal phir aa.egī
kaun zinda rah sakegā bin tire
kis se ye tohmat uThā.ī jā.egī
kaun jaane kyā ho phir tauba kā hashr
mai-kade par jab ghaTā ghir aa.egī
ek din ham ḳhaak meñ mil jā.eñge
har haqīqat dāstāñ ban jā.egī
kyā karūñ un kī nasīhat kā gila
dostoñ se aur kyā ban aa.egī
maiñ na kahtā thā na pūchheñ merā haal
aap ko sun kar hañsī aa jā.egī
gardish-e-daurāñ ko samjhā dījiye
ham se uljhegī to muñh kī khā.egī
vo miTāne ko haiñ ai 'āsī' hameñ
ye ḳhalish bhī ek din miT jā.egī
زندگانی جب ہمیں راس آئے گی
دیکھ لینا موت بھی آ جائے گی
وہ نظر جب بھی کرم فرمائے گی
لازماً دنیا ہمیں اپنائے گی
میرے گھر سے شام غم کب جائے گی
آج جائے گی تو کل پھر آئے گی
کون زندہ رہ سکے گا بن ترے
کس سے یہ تہمت اٹھائی جائے گی
کون جانے کیا ہو پھر توبہ کا حشر
میکدے پر جب گھٹا گھر آئے گی
ایک دن ہم خاک میں مل جائیں گے
ہر حقیقت داستاں بن جائے گی
کیا کروں ان کی نصیحت کا گلہ
دوستوں سے اور کیا بن آئے گی
میں نہ کہتا تھا نہ پوچھیں میرا حال
آپ کو سن کر ہنسی آ جائے گی
گردش دوراں کو سمجھا دیجئے
ہم سے الجھے گی تو منہ کی کھائے گی
وہ مٹانے کو ہیں اے عاصیؔ ہمیں
یہ خلش بھی ایک دن مٹ جائے گی