ज़ीस्त बे-वादा-ए-अनवार-ए-सहर है कि जो थी
ज़ुल्मत-ए-बख़्त ब-हर-रंग-ओ-नज़र है कि जो थी
इश्क़ बर्बाद-कुन-ए-राहत-ए-दिल है कि जो था
शोख़ी-ए-दोस्त ब-अंदाज़-ए-दिगर है कि जो थी
आज भी कोई नहीं पूछता अहल-ए-दिल को
आज भी ज़िल्लत-ए-अर्बाब-ए-नज़र है कि जो थी
ख़ुद-परस्ती का रिवाज आज भी है आम कि था
रास्ती आज भी मोहताज-ए-असर है कि जो थी
आज भी जज़्बा-ए-इख़्लास परेशाँ है कि था
आज भी दीदा-वरी ख़ाक-बसर है कि जो थी
आज भी इल्म-ओ-हुनर की नहीं कोई वक़अत
अब भी ना-क़द्री-ए-असहाब-ए-हुनर है कि जो थी
आज भी मेहर-ओ-वफ़ा की नहीं क़ीमत कोई
आज भी मंज़िलत-ए-कीसा-ए-ज़र है कि जो थी
कामरानी पे है नाज़ाँ हवस-ए-हेच मदार
आशिक़ी आज भी बा-दीदा-ए-तर है कि जो थी
रूह-ए-इख़्लास तो दर-बंद है बे-पुर्सिश-ए-हाल
मिदहत-ए-हुस्न सर-ए-राहगुज़र है कि जो थी
साफ़-गोई को समझते हैं यहाँ ऐब अब भी
ज़ेहनियत आज भी आलूदा-ए-शर है कि जो थी
अस्प-ए-ताज़ी को मयस्सर नहीं चारा 'शो'ला'
और तन-ज़ेबी-ओ-आराइश-ए-ख़र है कि जो थी
ziist be-va.āda-e-anvār-e-sahar hai ki jo thī
zulmat-e-baḳht ba-har-rañg-o-nazar hai ki jo thī
ishq barbād-kun-e-rāhat-e-dil hai ki jo thā
shoḳhī-e-dost ba-andāz-e-digar hai ki jo thī
aaj bhī koī nahīñ pūchhtā ahl-e-dil ko
aaj bhī zillat-e-arbāb-e-nazar hai ki jo thī
ḳhud-parastī kā rivāj aaj bhī hai aam ki thā
rāstī aaj bhī mohtāj-e-asar hai ki jo thī
aaj bhī jazba-e-iḳhlās pareshāñ hai ki thā
aaj bhī dīda-varī ḳhāk-basar hai ki jo thī
aaj bhī ilm-o-hunar kī nahīñ koī vaq.at
ab bhī nā-qadrī-e-as.hāb-e-hunar hai ki jo thī
aaj bhī mehr-o-vafā kī nahīñ qīmat koī
aaj bhī manzilat-e-kīsa-e-zar hai ki jo thī
kāmrānī pe hai nāzāñ havas-e-hech madār
āshiqī aaj bhī bā-dīda-e-tar hai ki jo thī
rūh-e-iḳhlās to dar-band hai be-pursish-e-hāl
midhat-e-husn sar-e-rāhguzar hai ki jo thī
sāf-goī ko samajhte haiñ yahāñ aib ab bhī
zehniyat aaj bhī ālūda-e-shar hai ki jo thī
asp-e-tāzī ko mayassar nahīñ chārā 'sho.ala'
aur tan-zebī-o-ārā.ish-e-ḳhar hai ki jo thī
زیست بے وعدۂ انوار سحر ہے کہ جو تھی
ظلمت بخت بہ ہر رنگ و نظر ہے کہ جو تھی
عشق برباد کن راحت دل ہے کہ جو تھا
شوخیٔ دوست بہ انداز دگر ہے کہ جو تھی
آج بھی کوئی نہیں پوچھتا اہل دل کو
آج بھی ذلت ارباب نظر ہے کہ جو تھی
خود پرستی کا رواج آج بھی ہے عام کہ تھا
راستی آج بھی محتاج اثر ہے کہ جو تھی
آج بھی جذبۂ اخلاص پریشاں ہے کہ تھا
آج بھی دیدہ وری خاک بسر ہے کہ جو تھی
آج بھی علم و ہنر کی نہیں کوئی وقعت
اب بھی ناقدری اصحاب ہنر ہے کہ جو تھی
آج بھی مہر و وفا کی نہیں قیمت کوئی
آج بھی منزلت کیسۂ زر ہے کہ جو تھی
کامرانی پہ ہے نازاں ہوس ہیچ مدار
عاشقی آج بھی با دیدۂ تر ہے کہ جو تھی
روح اخلاص تو دربند ہے بے پرسش حال
مدحت حسن سر راہ گزر ہے کہ جو تھی
صاف گوئی کو سمجھتے ہیں یہاں عیب اب بھی
ذہنیت آج بھی آلودۂ شر ہے کہ جو تھی
اسپ تازی کو میسر نہیں چارا شعلہؔ
اور تن زیبی و آرائش خر ہے کہ جو تھی