एक रहज़न को अमीर-ए-कारवाँ समझा था मैं
अपनी बद-बख़्ती को मंज़िल का निशाँ समझा था मैं
तेरी मा'सूमी के सदक़े मेरी महरूमी की ख़ैर
ऐ कि तुझ को सूरत-ए-आराम-ए-जाँ समझा था मैं
दुश्मन-ए-दिल दुश्मन-ए-दीं दुश्मन-ए-होश-ओ-हवास
हाए किस ना-मेहरबाँ को मेहरबाँ समझा था मैं
दोस्त का दर आ गया तो ख़ुद-बख़ुद झुकने लगी
जिस जबीं को बे-नियाज़-ए-आस्ताँ समझा था मैं
क़ाफ़िले का क़ाफ़िला ही राह में गुम कर दिया
तुझ को तो ज़ालिम दलील-ए-रह-रवाँ समझा था मैं
मेरे दिल में आ के बैठे और यहीं के हो गए
आप को तो यूसुफ़-ए-बे-कारवाँ समझा था मैं
इक दरोग़-ए-मस्लहत-आमेज़ था तेरा सुलूक
ये हक़ीक़त थी मगर ये भी कहाँ समझा था मैं
ज़िंदगी इनआ'म-ए-क़ुदरत ही सही लेकिन इसे
क्या ग़लत समझा अगर यार-ए-गराँ समझा था मैं
फेर था क़िस्मत का वो चक्कर था मेरे पाँव का
जिस को 'शो'ला' गर्दिश-ए-हफ़्त-आसमाँ समझा था मैं
ek rahzan ko amīr-e-kārvāñ samjhā thā maiñ
apnī bad-baḳhtī ko manzil kā nishāñ samjhā thā maiñ
terī ma.asūmī ke sadqe merī mahrūmī kī ḳhair
ai ki tujh ko sūrat-e-ārām-e-jāñ samjhā thā maiñ
dushman-e-dil dushman-e-dīñ dhushman-e-hosh-o-havās
haa.e kis nā-mehrbāñ ko mehrbāñ samjhā thā maiñ
dost kā dar aa gayā to ḳhud-baḳhud jhukne lagī
jis jabīñ ko be-niyāz-e-āstāñ samjhā thā maiñ
qāfile kā qāfila hī raah meñ gum kar diyā
tujh ko to zālim dalīl-e-rah-ravāñ samjhā thā maiñ
mere dil meñ aa ke baiThe aur yahīñ ke ho ga.e
aap ko to yūsuf-e-be-kārvāñ samjhā thā maiñ
ik daroġh-e-maslahat-āmez thā terā sulūk
ye haqīqat thī magar ye bhī kahāñ samjhā thā maiñ
zindagī in.ām-e-qudrat hī sahī lekin ise
kyā ġhalat samjhā agar yār-e-garāñ samjhā thā maiñ
pher thā qismat kā vo chakkar thā mere paañv kā
jis ko 'sho.ala' gardish-e-haft-āsmāñ samjhā thā maiñ
ایک رہزن کو امیر کارواں سمجھا تھا میں
اپنی بد بختی کو منزل کا نشاں سمجھا تھا میں
تیری معصومی کے صدقے میری محرومی کی خیر
اے کہ تجھ کو صورت آرام جاں سمجھا تھا میں
دشمن دل دشمن دیں دشمن ہوش و حواس
ہائے کس نا مہرباں کو مہرباں سمجھا تھا میں
دوست کا در آ گیا تو خود بخود جھکنے لگی
جس جبیں کو بے نیاز آستاں سمجھا تھا میں
قافلے کا قافلہ ہی راہ میں گم کر دیا
تجھ کو تو ظالم دلیل رہرواں سمجھا تھا میں
میرے دل میں آ کے بیٹھے اور یہیں کے ہو گئے
آپ کو تو یوسف بے کارواں سمجھا تھا میں
اک دروغ مصلحت آمیز تھا تیرا سلوک
یہ حقیقت تھی مگر یہ بھی کہاں سمجھا تھا میں
زندگی انعام قدرت ہی سہی لیکن اسے
کیا غلط سمجھا اگر یار گراں سمجھا تھا میں
پھیر تھا قسمت کا وہ چکر تھا میرے پاؤں کا
جس کو شعلہؔ گردش ہفت آسماں سمجھا تھا میں